Uşaqların Beynəlxalq Müdafiəsi Günü
31.05.2021-ci il tarixdə 1 İyun Uşaqların Beynəlxalq Müdafiəsi Gününə həsr olunmuş tədbir keçirildi. Tədbiri Uşaq Birliyi Rəhbəri Aysel Əlişova Va sinfinin sinif rəhbəri Həsrət Səmədov ilə birgə təşkil etdi. A.Əlişova uşaqları bayram münasibəti ilə təbrik etdikdən ətraflı çıxış etdi. Qeyd etdi ki, bütün demokratik dövlətlərdə olduğu kimi, Azərbaycanda da uşaq hüquqlarının qorunmasına xüsusi önəm verilir. O, çıxışında ölkəmizdə uşaqların sağlam, hərtərəfli böyümələri üçün hər cür şərait yaradıldığını xüsusi vurğuladı. Tədbirdə şagirdlərin ifasında bir-birindən maraqlı şeirlər və mahnılar səsləndi. Onlar öz çıxışları ilə dünyanı sülhə, xeyirxahlığa səslədilər. Sonda H. Səmədov çıxış edərək iştirakçılara öz minnətdarlığını bildirdi.
