Azərbaycan ordusunun döyüş yolu
Çağırışaqədərki hazırlıq fənninin tədrisində şagirdlərin hərbi vətənpərvərlik tərbiyəsinin gücləndirilməsi məqsədi ilə 21.05.2021-ci il tarixdə VIIIc sinif şagirdləri ilə onlayn tədbir keçirildi. GÇH rəhbəri Arzu Əliyevin təşkilatçılığı ilə keçirilən tədbir “Azərbaycan ordusunun döyüş yolu – I və II Qarabağ müharibələri” mövzusuna həsr edildi. Tədbirdə dünyaya səs salan müzəffər ordumuzun şücaəti barəsində ətraflı çıxışlar edildi. Şagirdlər Qarabağ müharibələri, torpaqların işğaldan azad olunması barəsində geniş məruzə etdilər. Onlayn tədbir zamanı Azərbaycan ordusunun şərəfli döyüş yolunu əks etdirən videoçarxlar nümayiş olundu.
