Qələbə günü
06.05.2021-ci il tarixdə məktəbin tarix müəllimi Həsrət Səmədov 9 May Qələbə Gününə aid onlayn tədbir təşkil etdi. Tədbirdə Va və VIç sinif şagirdləri iştirak etdilər. H.Səmədov II Dünya müharibəsi haqqında şagirdlərə ətraflı məlumat verərək alman faşizmi üzərində qələbənin əldə olunmasında Azərbaycan xalqının ön və arxa cəbhədə göstərdiyi qəhrəmanlıq və şücaətdən bəhs etdi. Tədbirdə şagirdlər də çıxış etdilər. İştirakçılar Böyük Vətən Müharibəsi illərində xalqımızın mərd oğullarının igidliklərini fəxrlə dilə gətirdilər. Tarixi qələbəyə həsr olunan şeirlər, videoçarxlar tədbirə xüsusi rəng qatdı.
