Narkomanlığa aid sənədli filmin onlayn nümayişi
30.04.2021-ci il tarixdə IXç sinfinin sinif rəhbəri Təranə Aslanova şagirdlərlə birgə “Narkotik vasitələrin, psixotrop madələrin və onların prekursorlarının qanunsuz dövriyyəsinə və narkomanlığa aid sənədli film”in onlayn formada nümayişini təşkil etdi. Sənədli filmin nümayişindən əvvəl sinif rəhbəri “Narkomaniyaya qarşı mübarizə sağlam həyata təminatdır” başlığı altında ətraflı məruzə etdi. Sonra şagirdlərin iştirakı ilə sənədli film nümayiş olundu. Kadrlarda narkotik vasitələrin insan orqanizminə dağıdıcı, pozucu təsirləri, bütövlükdə narkomaniyanın faciəvi və qorxunc nəticələri öz əksini tapdı. Sənədli filmin nümayişi yeniyetmələr üçün böyük tərbiyəvi əhəmiyyət kəsb etdi.
