Narkotik vasitələrin insan sağlamlığına mənfi təsiri
21.04.2021-ci il tarixdə məktəbimizin VIIc sinfində “Narkotik vasitələrin, psixotrop maddələrin insan sağlamlığına mənfi təsiri” mövzusunda tədbir keçirildi. Tədbiri VIIc sinfinin sinif rəhbəri S.Əliyeva onlayn formada təşkil etdi. S.Əliyeva narkotik vasitələrin insanın sağlam həyat tərzi üçün böyük təhlükə yaratması barəsində geniş məruzə etdi. O, çıxışında xüsusi olaraq qeyd etdi ki, narkotiklərdən qorunmağın ən yaxşı yolu ondan heç vaxt istifadə etməməkdir. Tədbirdə şagirdlər də çıxış edərək mövzuya münasibətlərini ifadə etdilər. Sonda narkotik vasitələrin mənfi təsirlərini əks etdirən slaydlar nümayiş olundu.
