Narkomaniyanın orqanizmə ziyanlı təsiri
8 aprel 2021-ci il tarixdə məktəbimizin ingilis dili müəllimi, VIIb sinfinin sinif rəhbəri Leyla Əliyeva şagirdlərlə “Narkomaniyanın orqanizmə ziyanlı təsiri” mövzusunda onlayn tədbir təşkil etdi. Tədbirdə XXI əsrin bəlasına çevrilən narkomaniya və onun insan cəmiyyətinə vurduğu fiziki və mənəvi zərbələr barəsində ətraflı məlumat verildi. Çıxışlarda qeyd edildi ki, narkomaniyanın yayılması millətin sağlam həyat tərzi üçün böyük təhlükədir. Onlayn tədbir zamanı “ağ ölüm” adlandırılan narkomaniyanın ağır fəsadları ilə bağlı hazırlanmış slaydlar da nümayiş olundu. Şagirdlərlə mövzu ətrafında maarifləndirici diskussiya aparıldı. Onlara bu xroniki xəstəliyə düçar olmamaq üçün lazımi tövsiyələr verildi.
