Məktəbimizin işçiləri vaksinasiya olunur
“Azərbaycan Respublikasında COVİD-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq həyata keçirilən vaksin vurulma prosesi uğurla davam edir. Məktəbimizin pedaqoji və texniki işçi heyəti də vaksinasiyada könüllü şəkildə iştirak edir. Artıq 40-dan yuxarı yaş qrupuna daxil olan işçilərin vaksinasiyası başa çatmaq üzrədir. Sonrakı mərhələdə isə yaşından asılı olmayaraq qalan işçi heyəti də bu prosesə qosulacaq, tezliklə vaksinləşmə işi başa çatdırılacaqdır. Qeyd edək ki, koronavirus pandemiyasının sürətlə yayıldığı bir dövrdə normal tədris mühitinin davam etdirilməsi, tam olaraq davamlı əyani təhsilə keçilməsi üçün pedaqoji və texniki heyətin vaksinasiyası olduqca əhəmiyyətlidir.
