Azərbaycanlıların Soyqırımı Günü
Azərbaycan xalqının tarixinə qanla yazılmış səhifələrdən biri də 1918-ci il martın 31-də baş vermiş Azərbaycanlıların Soyqırımı Günüdür. Faciə qurbanlarının xatirəsini yad etmək məqsədilə 26.03.2021-ci il tarixdə məktəbimizin IXc sinif şagirdlərinin iştirakı ilə onlayn tədbir keçirildi. Onlayn tədbiri IXc sinfinin sinif rəhbəri Aysel Abbasova təşkil etdi. Tədbirdə şagirdlər qanlı qırğın barəsində geniş məruzələrlə çıxış etdilər. Çıxışlarda qeyd olundu ki, bu faciə öz amansızlığına və miqyasına görə təkcə Azərbaycan tarixində deyil, bəşər tarixində də ən dəhşətli cinayətlərdən biridir. İştirakçılar soyqırımın həm Bakıda, həm də digər bölgələrdə xüsusi qəddarlıqla həyata keçirilməsi, dinc əhalinin kütləvi surətdə qətlə yetirilməsi, milli-mədəni abidələrin məhv edilməsi barəsində ətraflı məlumat verdilər. Tədbirdə qanlı tarixi əks etdirən fotolardan ibarət slaydlar da nümayiş olundu.
