Elimizə bahar gəlir
18.03.2021-ci il tarixdə məktəbimizin VIIIa sinif şagirdlərinin iştirakı ilə Novruz bayramına həsr olunmuş “Elimizə bahar gəlir” adlı onlayn tədbir keçirildi. Tədbirin təşkilatçısı, VIIIa sinfinin sinif rəhbəri Sevda Abdullayeva iştirakçıları salamlayaraq onları bayram münasibətilə təbrik etdi. Şagirdlər milli bayramımız olan Novruzun tarixi barəsində ətraflı məlumat verdilər. Qeyd etdilər ki, Novruz əsrlərin qaynağından süzülüb gələn, yaddaşlarda kök salan qədim el bayramıdır. Tədbirdə Azərbaycan xalqının milli ruhunu və yaddaşını bütün zənginliyi ilə yaşadan Novruz bayramına həsr olunmuş videoçarxlar nümayiş olundu. VIIIa sinif şagirdlərinin Novruz adət-ənənələri ilə bağlı hazırladıqları səhnəciklər, ifa etdikləri bahar təravətli şeirlər dinləyicilərə xoş ovqat yaşatdı.
