Xocalı soyqırımı
Azərbaycan xalqının tarixinə ən dəhşətli faciələrdən biri kimi daxil olmuş Xocalı soyqırımından 29 il ötür. Bu münasibətlə 24 fevral 2021-ci il tarixdə 7-ç və 8-c sinif şagirdlərinin iştirakı ilə onlayn tədbir keçirildi. Tədbirdə 1992-ci il fevralın 26-da erməni hərbi birləşmələri tərəfindən yeddi min əhalisi olan Xocalı şəhərində genosid aktının həyata keçirildiyi barəsində ətraflı məlumat verildi. Məruzələrdə qeyd edildi ki, Xocalı soyqırımı zamanı 613 nəfər öldürüldü, 1000 nəfərdən çox müxtəlif yaşlı dinc sakin amansız işgəncələrə məruz qaldı, 1275 nəfər əsir götürüldü, bütövlükdə Xocalı adlı şəhər yerlə-yeksan edildi. Geniş çıxışlarla yanaşı, tədbirdə Xocalı dəhşətlərini əks etdirən videoslaydlar nümayiş olundu. Şagirdlərin hazırladıqları təqdimatlar iştirakçılara dərin kədər və hüzn yaşatdı.
