Əhmədiyyə Cəbrayılov – 100
Azərbaycan xalqının igid oğlu, əfsanəvi partizan Əhmədiyyə Cəbrayılovun anadan olmasının 100 illiyinə həsr olunmuş onlayn tədbir keçirildi. Bildirildi ki, Azərbaycan Respublikasının Prezidenti İlham Əliyevin Sərəncamına əsasən bu il ölkəmizdə Ə.Cəbrayılovun 100 illik yubileyi təntənə ilə qeyd olunur. Tədbirdə II Dünya müharibəsi dövründə Fransada faşizm üzərində qələbə çalınmasında böyük xidmətlər göstərmiş qəhrəmanın keçdiyi döyüş yolundan danışıldı. Şagirdlər xalqımızın qəhrəmanlıq ənənələrini Azərbaycan hüdudlarından uzaqlarda layiqincə yaşatmış Ə.Cəbrayılovun igidlikləri barəsində təqdimatlarla çıxış etdilər. Tədbirin sonunda bir daha vurğulandı ki, Ə.Cəbrayılovun rəşadətli döyüş yolu Azərbaycan xalqının hər bir əsgəri üçün fədakarlığın parlaq rəmzi, hünər və cəsarətin bariz nümunəsidir.
