Evdə qal, təhsildən qalma!
Son günlər ölkəmizdə koronavirus infeksiyasının yarada biləcəyi təhlükənin qarşısının alınması məqsədilə bütün təhsil müəssisələrində olduğu kimi, məktəbimizdə də təlim-tərbiyə prosesi müvəqqəti olaraq dayandırılmışdır. Buna baxmayaraq məktəbin pedaqoji kollektivi “ Evdə qal, təhsildən qalma! ” devizi ilə öz işini davam etdirir. III a sinfinin sinif rəhbəri, ibtidai sinif müəllimi Natavan Cəlilova məktəblilərin ev şəraitində asudə vaxtlarının səmərəli keçirilməsinə nail olmaq üçün onlayn dərslər təşkil edir. O, İKT–nin imkanlarından istifadə edərək şagirdlərin gündəlik dərs proqramına yiyələnməsi istiqamətində təqdirəlayiq addımlar atır, onlara fənlər üzrə müxtəlif tapşırıqlar verərək bilik səviyyəsinin inkişaf etdirilməsinə çalışır.
