Beynəlxalq Ana Dili Günü
17.02.2020-ci il tarixdə məktəbimizdə 21 Fevral Beynəlxalq Ana Dili Gününə həsr olunmuş tədbir keçirildi. Tədbirdə Azərbaycan dilinin bu günə qədər gəlib keçdiyi tarixi inkişaf yoluna geniş nəzər salındı. Çıxışlarda qeyd edildi ki, ana dili insanın mənəvi aləminin, dünyagörüşünün zənginləşməsində, mükəmməl təhsil almasında mühüm rol oynayır. Tədbirdə çıxışlarla yanaşı dövlət dilinin qorunması və inkişafı istiqamətində ölkəmizdə aparılan məqsədyönlü işləri əks etdirən videoçarxlar nümayiş olundu. İştirakçılar doğma dilimizə həsr olunan ədəbi-bədii kompozisiya nümayiş etdirdilər. İfa olunan şeirlər və mahnılar ana dilinin zənginliyinin, müqəddəsliyinin bariz nümunəsi oldu.
