Ən nümunəvi sinif
29.12.2019-cu il tarixdə məktəbimizdə nümunəvi siniflərin bu və ya digər qəhrəmanın adı ilə adlandırılması təcrübəsinin tətbiq olunması məqsədilə “Ən nümunəvi sinif” müsabiqəsi keçirildi. Müsabiqə V – XI siniflər arasında təşkil edildi. Müsabiqənin keçirilməsi üçün bir çox şərtlər irəli sürüldü. Təlim-tərbiyə işləri üzrə direktor müavininin, sinif rəhbərlərinin, fənn müəllimlərinin siniflər üzrə rəylərinə əsasən, məktəbin ən yaxşı sinfi müəyyən olundu. Qeyd edək ki, müsabiqə zamanı bir sıra şərtlər – sinfin davamiyyəti, fənlərə münasibəti, ictimai işlərdə fəallığı, məktəbdaxili və sinifdaxili intizam qaydaları, sinif şagirdlərinin bir-birinə olan münasibəti nəzərə alındı. Müsabiqənin sonunda yekun rəyə əsasən, məktəbimizin VI a sinfi “Ən nümunəvi sinif” adını qazandı və Fəxri fərmanla mükafatlandırıldı. Sinfə Azərbaycanın Milli Qəhrəmanı Mübariz İbrahimovun adı verildi.
