Narkotik və psixotrop maddələrdən övladlarımızı qoruyaq
Məktəbimizdə valideynlərlə “Narkotik və psixotrop maddələrdən övladlarımızı qoruyaq” adlı seminar keçirildi. Seminara məktəbin direktoru Azər Həsənov və tərbiyə işləri üzrə direktor müavini Oktay Musayev rəhbərlik etdi. Onlar çıxışlarında gənc və yeniyetmələrin anti-narkomaniya ruhunda tərbiyə olunmasının günümüzün ən vacib problemlərindən biri olduğunu qeyd etdilər. Bildirdilər ki, narkomaniyaya qurşanma yeniyetmələrin təhsildən yayınmasına, ictimai həyatdan uzaqlaşmasına, ən əsası da sağlamlıqlarının zərbə altında qalmasına səbəb olur. Seminarda çıxışlarla yanaşı, valideynləri maarifləndirmək məqsədilə videoçarxlar nümayiş olundu.
