90 №-Lİ TAM ORTA MƏKTƏB

Təhsil sistemində uşaq müdafiəsi və təhlükəsizliyi mexanizmi" layihəsi üzrə sertifikatlar təqdim olunubAzərbaycan Respublikasının Təhsil Nazirliyi ilə BMT-nin Uşaq Fondunun (UNICEF) birgə fəaliyyət planı əsasında Təhsil İnstitutu Bakı Şəhəri üzrə Təhsil İdarəsi (BŞTİ) ilə birlikdə “Təhsil sistemində uşaq müdafiəsi və təhlükəsizliyi” adlı pilot layihəsi əsasında sertifikatlar təqdim olunub. Uşaq müdafiəsi və təhlükəsizliyinə dair ilkin anlayışlar, mexanizmə aid siyasətlər, iş prinsipləri kimi nəzəri mövzuları, həmçinin müxtəlif praktik məşğələlər və interaktiv müzakirələri əhatə edən layihə üzrə məktəb rəhbəri Svetlana Nəbiyeva ,tərbiyə işləri üzrə direktor müavini Aygün Sadıqova , məktəb psixoloqu Cəmilə Məmmədova ,uşaq birliyi rəhbəri ,valideyn Lida Muxtarova "Azərbaycanın təhsil sistemi üçün uşaq müdafiəsi və təhlükəsizliyi mexanizmi” adlı 12 akademik saatlıq təlimdə iştirakına görə sertifikatlarla təltif olunublar.

28 May Müstəqillik Günü ilə bağlı tədbir28 May Azərbaycan Xalq Cümhuriyyətinin yaranmasının 104 illiyinə həsr olunmuş "1918-ci il mart soyqırımları" mövzusunda keçirilmiş tədbirin təşkilinə göstərdiyi dəstəyə görə məktəb rəhbəri Svetlana Nəbiyeva Quba Soyqırımı Memorial Kompleksi"nin direktoru tarix üzrə fəlsəfə doktoru  Rəxşəndə Bayramova tərəfindən Təşəkkürnamə ilə təltif olunub. Həmçinin X A sinif şagirdləri : Əliyeva Leyla, Əkbərova Aytac, Rzayeva Fərqanə,XI A sinif şagirdi Abbasov Ceyhun, XB sinif şagirdi Kərimova Zəhra sertifikatlarla təltif olunub .

28 May-Müstəqillik Gününə həsr olunmuş şahmat turniri27 may 2022-ci il tarixində Gənclər və İdman Nazirliyi Sabunçu rayon Gənclər və İdman idarəsi tərəfindən Sabunçu rayon ümumtəhsil məktəblərinin müəllimləri arasında 28 May-Müstəqillik Gününə həsr olunmuş şahmat turniri keçirilib. Turnirdə məktəbimizin müəllimlərdən ibarət şahmat komandası da iştirak edib. Məktəbin riyaziyyat müəllimləri Asif Həsənov , Sevda Xankişiyeva ,Təsviri incəsənət müəllimi Cavad Qurbanov şahmat turnirində II yerə layiq görülüb.Sabunçu rayon Gənclər və İdman idarəsi tərəfindən diplom və medallarla təltif olunub. Məktəb rəhbəri Svetlana Nəbiyeva qalib müəllimlərimizi təbrik edib ,uğurlar arzulayıb. Sonda xatirə şəkli çəkilib.