84 №-li tam orta məktəb

İbtidai sinif müəllimi təltif olunubDekabrın 25-də məktəbin ibtidai sinif müəllimi Xatirə Pəncəliyevanın 60 yaşı tamam olub. Xatirə müəllim Azərbaycan Təhsil İşçiləri Azad Həmkarlar İttifaqının Suraxanı rayon komitəsi tərəfindən təhsil sahəsindəki uzun müddətli səmərəli fəaliyyətinə, gənc nəslin təlim-tərbiyə prosesindəki xidmətlərinə görə Fəxri fərman və hədiyyə ilə təltif edilib. Yubileyi münasibətlə Xatirə müəllimi səmimi qəlbdən təbrik edir, ona gələcək fəaliyyətində və şəxsi həyatında müvəffəqiyyətlər, bol-bol uğurlar diləyirik.

Balaca "şair" təltif olunubMəktəbin 4"A" sinif şagirdi Nəbili Sadiq vətənpərvərlik mövzusunda yazdığı silsilə şeirlər, gözəl bədii qiraətçilik qabiliyyətinə görə Yasamla Rayon Mərkəzləşdirilmiş kitabxana sistemi M.Ş.Vazeh adına Mərkəzi Kitabxana tərəfindən fəxri fərmanla təltif olunub. Bu münasibətlə Sadiqi təbrik edir, ona nailiyyətlərinin davamlı olmasını diləyirik.

Həsənin uğuruMəktəbin 6"B" sinif şagirdi Həsən İbrahimov "12 noyabr-Konstitusiya günü" nə həsr olunmuş şahmat üzrə şəxsi birincilikdə I yerə layiq görüldüyü üçün Suraxanı rayon Gənclər və İdman İdarəsi tərəfindən qiymətləndirilmiş və diplomla təltif olunmuşdur. Bu münasibətlə şagirdimizi təbrik edir, ona nailiyyətlərinin davamlı olmasını diləyirik.