Kiçik Akademiya

"Əhməd Cavad və onun yaradıcılığı"Oktyabrın 27-si 2022-ci il tarixdə Bakı Şəhəri üzrə Təhsil İdarəsinin F-136 nömrəli əmrinin II bəndini əsas tutaraq Sabunçu rayonu ümumtəhsil müəssisələri üzrə Mərkəz "Kiçik Akademiya"nın təşkilatçılığı ilə Azərbaycan dili və ədəbiyyat kafedraları üzrə "Əhməd Cavad və onun yaradıcılığı" adlı elmi-praktiki konfrans keçirildi. Elmi-praktiki konfrans Azərbaycan Respublikasının Dövlət Himni ilə başladı. Ardınca "Zəfər Tariximiz"in şəhidləri 1 dəqiqəlik sükutla yad edildi. Sabunçu rayonu ümumtəhsil müəssisələri üzrə Mərkəz "Kiçik Akademiya"nın rəhbəri Sərxan Şahverdiyev qonaqları və tədbir iştirakçılarını salamlayaraq konfransın mahiyyəti haqqında məlumat verdi. Ardınca 72 nömrəli məktəb-liseyin şagirdi Nuri Fatimə, 192 nömrəli tam orta məktəbin şagirdi Cəfərova Səkinəbəyim, 307 nömrəli tam orta məktəbin şagirdi Əmirli Abbas, 307 nömrəli tam orta məktəbin Humanitar bölməsinin rəhbəri və tarix müəllimi Məmmədova Afət, 28 nömrəli tam orta məktəbin direktoru, pedaqogika üzrə fəlsəfə doktoru Əmircanova Qənirə öz məqalələri ilə çıxış etdilər. Bakı Şəhəri üzrə Təhsil İdarəsinin Ümumi sektorunun müdiri, pedaqogika üzrə fəlsəfə doktoru Sevinc xanım Rəsulova çıxış edərək elmi-praktik konfrans haqqında yekun fikirlərini söylədi. Sonda 307 nömrəli tam orta məktəbin Texniki bölməsinin hazırladığı videoçarxa baxış oldu. Elmi-praktiki konfransda Bakı Şəhəri üzrə Təhsil İdarəsinin Ümumi sektorunun müdiri Sevinc xanım Rəsulova, İnkişaf layihələri üzrə sektorun baş məsləhətçisi Sevinc xanım Əzimova, məktəb direktorları, KA prezidentləri, müəllimlər, şagirdlər iştirak etdilər.

Ətraflı

Kiçik Akademiyanın təşkilatçılığı ilə "Yeni perspektivlər", yeni baxışlar adlı görüş keçirildi.Sentyabrın 30-u 2022-ci il tarixdə Sabunçu rayonu ümumtəhsil müəssisələri üzrə Mərkəz "Kiçik Akademiya"nın təşkilatçılığı ilə 2022/2023-cü tədris ili üzrə "Yeni perspektivlər, yeni baxışlar" adlı görüş keçirildi. Görüş Azərbaycan Respublikasının Dövlət Himni ilə başladı. Ardınca Şəhidlərin xatirəsi 1 dəqiqəlik sükutla yad edildi. Sabunçu rayonu ümumtəhsil müəssisələri üzrə Mərkəz "Kiçik Akademiya"nın rəhbəri Sərxan Şahverdiyev bakuka.az saytının işlənilməsi, 2022/2023-cü tədris ili üzrə Fəaliyyət planının tərtibi, KA strukturunun təşkili, olimpiada mərkəzinin yaradılması, SKA TV-nin təşkili, ustad dərslərin təşkili və cari məsələlər haqqında danışdı. Sonda KA rəhbərləri tərəfindən əlavə təkliflər dinlənildi, suallara cavab verildi. #ska #ka307

Ətraflı

"Kiçik Akademiya"ların hesabat konfransı keçirilibSabunçu rayonu ümumi təhsil müəssisələri üzrə "Kiçik Akademiya"ların hesabat konfransı keçirilib. Tehsil.biz xəbər verir ki. paytaxtdakı 112 nömrəli tam orta məktəbin təşkilatçılığı ilə keçirilən konfranda Bakı Şəhəri üzrə Təhsil İdarəsinin (BŞTİ) Ümumi sektorunun müdiri Sevinc Rəsulova, İnkişaf layihələri sektorunun baş məsləhətçisi Sevinc Əzimova, məktəb direktorları, “Kiçik Akademiya” rəhbərləri, müəllim və şagirdlər iştirak ediblər. Konfrans Dövlət Himninin səsləndirilməsi və Vətən uğrunda canlarını qurban vermiş şəhidlərin əziz xatirəsinin bir dəqiqəlik sükutla yad edilməsi ilə başlayıb. Sabunçu rayonu ümumtəhsil müəssisələri üzrə mərkəz "Kiçik Akademiya"nın rəhbəri Sərxan Şahverdiyev il ərzində “Kiçik Akademiya”nın gördüyü işlər, əldə edilən uğurlar və gələcək hədəflər haqqında məruzə edib. S.Şahverdiyev “Kiçik Akademiya”ların təşkil olunmasında əsas məqsədin yaradıcılıq və elmi-tədqiqat işlərinə maraq göstərən, bu sahədə potensial imkanları ilə fərqlənən istedadlı uşaq və gənclərlə aparılan işlərin gücləndirilməsi, yeni fəaliyyət mexanizmlərinin yaradılmasına köməklik göstərilməsi və şagirdlərdə tədqiqatçılıq qabiliyyətinin formalaşması ilə bağlı tədbirlərin sistemli həyata keçirilməsindən ibarət olduğunu xatırladıb. Ümumi sektorun müdiri Sevinc Rəsulova “Kiçik Akademiya”ların fəaliyyətinin gücləndirilməsinin və şagirdlərdə tədqiqat işinə marağın artırılmasının qarşıya qoyulan əsas hədəflərdən olduğunu bildirib, "Kiçik Akademiya"ların səmərəli fəaliyyətində uğurlar arzu edib. Konfransda 112, 96,113, 307 nömrəli tam orta məktəblərin direktorlarının, həmçinin “Kiçik Akademiya”nın prezidenti Cabbar Yolçuyevin, vitse-prezidenti Aysel Hüseynovanın çıxışları dinlənilib. 307 nömrəli tam orta məktəbin VIII sinif şagirdi İnci Süleymanzadə "Tarixdə Qarabağ" adlı araşdırmasını təqdim edib. Sonda fərqlənən məktəblər və “Kiçik Akademiya” rəhbərləri "Təşəkkürnamə" ilə təltif olunublar.

Ətraflı

 "Kiçik Akademiya" layihəsi əsasında məktəblər arasında körpü təşkil olundu "Kiçik Akademiya" layihəsinə əsasən 74 nömrəli tam orta məktəbdə tədbir təşkil olundu. Belə ki, "Kiçik Akademiya"nın rəhbəri Renata Əliverdiyeva "Dunya School" və 74 nömrəli tam orta məktəbləri arasında kiçik bir körpü yaratdı. "Dünya School" İB şöbəsi üzrə ingilis dili müəllimi Əminə Məmmədova məktəbə dəvət olunaraq məktəbin  şagirdləri ilə interaktiv seminar təşkil etdi. Seminar "interaktiv-conversation" - ünsiyyət əsasında təşkil olundu. Şagirdlər tədbirdə böyuk həvəs və maraqla iştirak etdilər. Hər bir şagird Əminə Məmmədovanın qarşıya qoyduğu məsələni müzakirə edərək sualları cavablandırdılar. Seminarın məqsədi şagirdlərdə müxtəlif dil qabiliyyətlərini inkişaf etdirmək və xarici dillərin mənimsənilməsinin gənc nəslin inkişafında onların təhsil və  karyeralarında nə dərəcədə önəmli olduğunu vurğulamaq idi. Seminarın sonunda Əminə Məmmədova xüsusi çıxışları ilə seçilən şagirdləri  "Dunya School"a dəvət edərək növbəti görüşün məhz "Dunya School"da təşkil olunacağını vurğuladı.

Ətraflı

Xocalı Soyqırımını unutma!Xocalı Soyqırımını unutma! İsmayılova Elvina 74 nömrəli tam orta məktəb X Bsinfi. 1992-ci il fevralın 25-dən 26-na keçən gecə erməni silahlı dəstələri SSRİ dövründə Xankəndi (Stepanakert) şəhərində yerləşdirilmiş 366-cı motoatıcı alayının zirehli texnikası və hərbi heyətinin köməkliyi ilə Xocalı şəhərini zəbt etdilər. Hücumdan əvvəl, fevralın 25-i axşam çağından şəhər toplardan və ağır zirehli texnikadan şiddətli atəşə tutulmağa başlamışdır. Nəticədə şəhərdə yanğınlar baş vermiş və fevralın 26-ı səhər saat 5 radələrində şəhər tam alova bürünmüşdür. Belə bir vəziyyətdə, erməni əhatəsində olan şəhərdə qalmış təqribən 2500 nəfər əhali yaxınlıqdakı azərbaycanlılar məskunlaşmış Ağdam rayonunun mərkəzinə çatmaq ümidi ilə şəhəri tərk etməyə məcbur olmuşdur. Ancaq bu niyyət baş tutmadı. Şəhəri yerlə yeksan etmiş erməni silahlı dəstələri və motoatıcı alayın hərbiçiləri dinc əhaliyə divan tutdular. Bu qırğının nəticəsində 613 nəfər həlak olmuşdur, onlardan: uşaqlar - 63 nəfər; qadınlar - 106 nəfər; qocalar - 70 nəfər. 8 ailə tamamilə məhv edilmişdir. 25 uşaq hər iki valideynini itirmişdir. 130 uşaq valideynlərindən birini itirmişdir 487 nəfər yaralanmışdır, onlardan: uşaqlar - 76 nəfər; 1275 nəfər əsir götürülmüşdür. 150 nəfər itkin düşmüşdür. Dövlətin və əhalinin əmlakına 01.04.1992-ci il tarixinə olan qiymətlərlə 5 mlrd. rubl dəyərində ziyan vurulmuşdur. Bu rəqəmlər Ermənistan SSR-in dəstəyi və SSRİ rəhbərliyinin səhlənkarlığı ilə 1988-ci ildə başlamış və Azərbaycan SSR-in tərkib hissəsi olan Dağlıq Qarabağ Muxtar Vilayətinin Ermənistana birləşdirilməsi iddiasının gerçəkləşdirilməsi əsasında yaranmış Ermənistan-Azərbaycan, Dağlıq Qarabağ münaqişəsinin ən dəhşətli, qanlı faciəsindən xəbər verir. Xocalı 1991-ci ilin payızından erməni silahlı dəstələri tərəfindən əsasən blokadaya alınmışdı, Dağlıq Qarabağdan daxili qoşunlar çıxarılandan sonra isə tam blokadada idi. 1992-ci ilin yanvarından Xocalıya elektrik enerjisi verilmirdi. Əhalinin bir hissəsi şəhəri tərk etmişdi, ancaq Xocalı İcra hakimiyyətinin başçısı E.Məmmədovun təkidli müraciətlərinə baxmayaraq dinc əhalinin tam evakuasiyası olunmamışdı. 1992-ci il fevralın 25-də Xocalıya erməni silahlı dəstələrinin hücumu başlandı. Hücumun iştirakçıları Hücumda zirehli texnikanın- zirehli maşınların, piyadaların döyüş maşınlarının və tankların dəstəyi ilə Artsaxın Milli Azadlıq Ordusunun (AMAO) hissələri iştirak edirdi. Sovet Ordusunun 366-cı alayının hərbiçilərinin iştirakı Təqribən bütün Xocalı qaçqınlarının söylədiklərinə görə, şəhərə hücumda 366-cı alayının hərbiçiləri iştirak edirdi, hətta onlardan bəziləri şəhərə də girmişdilər. Hücumun gedişatı Xocalı fevralın 25-də saat 23-dən toplardan atəşə tutulmağa başlanmışdır. İlk növbədə yaşayış massivində yerləşən kazarma və müdafiə nöqtələri dağıdılmışdı. Piyada hissələr şəhərə fevralın 26-ı saat 1-4 arası girmişdir. Sonuncu müdafiə nöqtəsi saat 7-də məhv edilmişdir. Şəhərin gülləboranı nəticəsində dinc əhalinin müəyyənləşdirilməmiş miqdarda əmlakı dağılmışdır. Əhalinin çıxması üçün azad dəhliz Ağdam və Bakıda Memorialın müşahidəçiləri Xocalıya hücum zamanı şəhəri tərk etmiş 60 nəfərlə sorğu-sual etmişlər. Soruşulanlardan ancaq biri söyləmişdir ki, dəhliz barədə məlumatı olmuşdur. Azad dəhlizlə qaçan əhali Azərbaycanın Ağdam rayonuna qovuşan ərazidə gülləyə tutulmuşdur və nəticədə çoxlu sayda insan həlak olmuşdur. Şəhərdə qalmış əhalinin müqəddəratı Şəhər erməni silahlı dəstələri tərəfindən zəbt ediləndə orada 300 dinc əhali, o cümlədən 86 məshəti-türkü qalmışdı. Hər iki tərəfdən alınmış məlumata əsasən, 1992-ci il martın 3-nə Azərbaycan tərəfinə 700-dən artıq şəhərdə və Ağdam yolunda əsir götürülmüş Xocalı sakini təhvil verilmişdir. Onların əsas hissəsini qadınlar və uşaqlar təşkil edirdi. Əsir düşmüş əhali və Xocalı müdafiəçilərinin saxlanılma şəraiti Müvəqqəti saxlanılma təcridxanasının rəisi mayor Xaçaturyan hətta bir neçə dəqiqəlik təklikdə danışmağa icazə vermədi. Təsadüfən bir dəfə belə söhbət etmək mümkün oldu. Xocalı sakinlərinin əmlakı şəhərdən qaçan Xocalı sakinləri hətta zəruri əşyaları belə götürə bilməmişdilər. Erməni silahlı qüvvələrinin Xocalıdan çıxardıqları sakinlər də əmlaklarından heç nə götürməmişdilər. Memorialın müşahidəçiləri şəhərdə azğın, heç nə ilə qarşısı alınmayan soyğunçuluğun şahidi olmuşlar. Şəhərdə qalan əmlak Stepanakert və yaxınlıqdakı yaşayış məntəqələrinin əhalisi tərəfindən daşınırdı. Çox evlərin darvazalarında onların yeni sahiblərinin adları yazılmışdır. Tarix unutmayacaqdır! Azərbaycan Milli Məclisi (Parlamenti) hər il fevralın 26-nı "Xocalı soyqırımı günü" elan etmişdir. Hər il fevralın 26-da saat 17.00-da Azərbaycan xalqı Xocalı soyqırımının qurbanlarının xatirəsini yad edir. Doğma yurdlarından didərgin düşmüş və Azərbaycanın 48 rayonuna səpələnmiş Xocalı sakinləri Dağlıq Qarabağ münaqişəsinin ədalətli həlli, Ermənistanın Azərbaycana qarşı təcavüzünün dəf edilməsi, ölkənin ərazi bütövlüyünün bərpa edilməsi ümidi ilə yaşayırlar. Onlar dünya xalqlarına, dövlətlərinə, beynəlxalq təşkilatlara haqq-ədaləti və həqiqəti müdafiə etmək, Xocalıda törədilmiş terrorizm, etnik təmizləmə faktlarını pisləmək barədə müraciətlər edirlər. Xocalı soyqırımının günahkarları, təşkilatçıları və icraçıları layiqli cəzalarına çatmalıdırlar. Cinayət cəzasız qala bilməz. Təəssüf ki, XX əsrdə soyqırım və etnik təmizləmə hadisələri baş vermiş tarixi səhifələr olmuşdur. Xocalı faciəsi onların sırasında ən dəhşətlilərinə aiddir. Hal-hazırda bu hadisələrdə hər hansı şəkildə iştirakı olmuş şəxslər hələlik öz vicdanları qarşısında cavabdehdirlər, ancaq vaxt gələcək və onlar tarixin məhkəməsi qarşısında cavab verməli olacaqlar. Tarix heç nəyi unutmur!

Ətraflı

“Tanıyaq, bilək və örnək götürək” – Kiçik Elmi Akademiyanın təqdmatında.19.01.2022-ci il tarixdə məktəbin Kiçik Elmi Akademiyasının üzvlərinin “Tanıyaq, bilək və örnək götürək” adlı təqdimat gecəsi keçirildi. Akademiya üzvləri 20 yanvar faciəsinin Azərbaycan Respublikasının müstəqilliyi uğrunda mübarizə tarixinə qəhərmanlıq səhifəsi kimi daxil olduğundan, xalqımızın mübarizə əzmindən, eyni zamanda məktəbli qurbanları Larisa Məmmədova və İlqar İbrahimovdan geniş şəkildə bəhs etdilər. Üzvlər şəhidlərimizin əziz xatirəsini daim dərin ehtiramla yad edəcəylərini, bu faciəni heç vaxt unutmayacaqlarını qeyd etdilər.

Ətraflı

STEM+ART - Rəqəmsal incəsənət dərslərində Robotların quraşdırılmasıBakı şəhər 74 nömrəli tam orta məktəbin ibtidai sinif müəllimi Ağayeva Xəyalənin Təhsildə inkişaf və innovasiyalar üzrə v qrant müsabiqəsində qalib olduğu STEM+ART - Rəqəmsal incəsənət dərslərinin dərsdənkənar tədrisi və şagirdlərin layihə olimpiadalarına hazırlanması layihəsi çərçivəsində maraqlı təlimlərinin davam edir. Şagirdlərə Bu dəfə 3D qələmlər və Wedo2.0 robotu haqqında məlumatlar verildikdən sonra, sərbəst şəkildə özleri yaradıcı şəkildə Robotu qurmağa başladılar. Ramil Süleymanovun verdiyi tapşırığı icra etdilər.

Ətraflı

Şagirdlərə Tinkercad 3 d modellesmə haqqında ətraflı məlumat verildi.Bakı şəhər 74 nömrəli tam orta məktəbin ibtidai sinif müəllimi Ağayeva Xəyalənin Təhsildə inkişaf və innovasiyalar üzrə v qrant müsabiqəsində qalib olduğu STEM+ART - Rəqəmsal incəsənət dərslərinin dərsdənkənar tədrisi və şagirdlərin layihə olimpiadalarına hazırlanması layihəsi çərçivəsində 22.11.2021-ci il tarixdə maraqlı təlim baş tutdu. Şagirdlərə Bu dəfə Tinkercad 3 d modellesmə haqqında ətraflı məlumat verildi.

Ətraflı

STEM+ART - Rəqəmsal incəsənət dərslərinin dərsdənkənar tədrisi davam edirBakı şəhər 74 nömrəli tam orta məktəbin ibtidai sinif müəllimi Ağayeva Xəyalənin Təhsildə inkişaf və innovasiyalar üzrə v qrant müsabiqəsində qalib olduğu STEM+ART - Rəqəmsal incəsənət dərslərinin dərsdənkənar tədrisi və şagirdlərin layihə olimpiadalarına hazırlanması layihəsi çərçivəsində 10.12.2021-ci il tarixdə maraqlı təlim baş tutdu. Şagirdlərə Bu dəfə 3 d qələmlər haqqında ətraflı məlumat verildi.

Ətraflı

STEM+ART - Rəqəmsal incəsənət dərslərinin dərsdənkənar tədrisi Bakı şəhər 74 nömrəli tam orta məktəbin ibtidai sinif müəllimi Ağayeva Xəyalənin Təhsildə inkişaf və innovasiyalar üzrə v qrant müsabiqəsində qalib olduğu STEM+ART - Rəqəmsal incəsənət dərslərinin dərsdənkənar tədrisi və şagirdlərin layihə olimpiadalarına hazırlanması layihəsi çərçivəsində 10.12.2021-ci il tarixdə maraqlı təlim baş tutdu. Şagirdlərə Bu dəfə 3 d qələmlər haqqında ətraflı məlumat verildi.

Ətraflı

Tripodlardan istifadə qaydası74 nömrəli tam orta məktəbin 7 B sinif şagirdi Aslanov Adəm "Tripodlardan istifadə qaydası" ilə əlaqədar videoroliki təqdim edir.

Ətraflı

"Təfəkkürümdəki robot"Məktəbdə fəaliyyət göstəren Kiçik Akademiyanın tədbirlər planına uyğun olaraq 14 dekabr 2021 - ci il tarixdə məktəbin konfrans zalında şagirdlərin tədqiqat bacarıqlarını inkişaf etdirmək məqsədilə keçirilən tədbirdə 7B sinif şagirdi Aslanov Adəmin hazırladığı "Təfəkkürümdəki robot" adlı videoroliki təqdirə layiqdir.

Ətraflı

Bioloji təcrübə adlı dəyirmi masaMəktəbdə fəaliyyət göstəren Kiçik Akademiyanın tədbirlər planına uyğun olaraq 14 dekabr 2021 - ci il tarixdə məktəbin konfrans zalında şagirdlərin tədqiqat bacarıqlarını inkişaf etdirmək məqsədilə təlim tərbiyə işləri üzrə direktor müavini Həmidova Floranın rəhbərliyi və biologiya müəllimlərinin təşkilatçılığı ilə keçirilmişdir. Tədbirdə təlim - tərbiyə işləri üzrə direktor müavini Həmudova Flora tərbiyə işləri üzrə direktor müavini Bayramova Vüsalə Uşaq birliyi rəhbəri Məmmədova Almaz , biologiya müəllimləri və şagirdlər iştirak etdilər. Tədbiri giriş sözü ilə açan Həmidova Flora Kiçik Akademiyanın fəaliyyətindən bəhs etmiş, şagirdlərin tədqiqat bacarıqlarının inkişaf etdirilməsi məqsədilə belə tədbirlərin mütəmadi olaraq keçiriləcəyini vurğulamışdır. Sonra biologiya metodbirləşmə sədri çıxış etdi və tədqiqat aparan şagirdləri təqdim etdi. Sonda şagirdlər keçirdikləri bioloji təcrübələri tədbir iştirakçıları ilə bölüşdülər.

Ətraflı

"Qurtuluşdan Zəfərə gedən yol" adlı elmi-praktiki konfrans 11.06.2021-ci il tarixdə Sabunçu rayonu ümumtəhsil məktəbləri üzrə Mərkəz"Kiçik Akademiya"nın təşkilatçılığı Tarix kafedraları üzrə "Qurtuluşdan Zəfərə gedən yol" adlı elmi-praktiki konfrans keçirilmişdir. Konfrans Azərbaycan Respublikasının Dövlət Himni ilə başlamışdır. Daha sonra Sabunçu rayonu ümumtəhsil məktəbləri üzrə Mərkəz "Kiçik Akademiya"nın rəhbəri Sərxan Şahverdiyev çıxış edərək, elmi-praktiki konfrans haqqında ümumi məlumat verdi. Ardınca elmi-praktiki konfransın gündəliyinə əsasən 67 nömrəli tam orta məktəbin şagirdi Ağayeva Azərin, 71 nömrəli tam orta məktəbin şagirdi Gözəlov Müşfiq, 80 nömrəli tam orta məktəbin şagirdi Hacıyev Səfərəli, 81 nömrəli tam orta məktəbin şagirdi Babayeva Arzu və 96 nömrəli tam orta məktəbin şagirdi Abbasquliyeva Səmayə hazırladıqları təqdimatlar, elmi-məqalələr ilə mövzu ətrafında çıxış etdilər. Çıxışlar "Qurtuluş - Heydər Əliyev", "Ümummilli lider və Zəfərə gedən yol" , "Qurtuluş və İlham Əliyev" mövzularına əsasən baş tutmuşdur. Tədbirin sonunda Ümummilli Lider Heydər Əliyevin "Gənclərə verilən dəstək ", "Savadlı kadrların stimullaşdırılması" siyasətini əsas tutaraq buraxılış imtahanlarında yüksək bal toplamış və "Kiçik Akademiya"ların işlərində fərqlənən şagirdlərin stimullaşdırılması məqsədilə təltif edilmiş şagirdlər haqqında təqdimat nümayiş olunmuşdur. Elmi-praktiki konfransda 150-ə yaxın şagird, müəllim, KA rəhbələri və məktəb rəhbərləri iştirak etmişdir.

Ətraflı

"Şərqdə ilk Respublika - Müstəqil Azərbaycan" adlı elmi-praktiki konfrans27.05 2021-ci il tarixdə Sabunçu rayonu ümumtəhsil məktəbləri üzrə mərkəz "Kiçik Akademiya" nın, YAP Sabunçu Rayon Təşkilatı Gənclər Birliyinin təşkilatçılığı ilə "Şərqdə ilk Respublika - Müstəqil Azərbaycan" adlı elmi-praktiki konfrans təşkil olunmuşdur. Konfrans Azərbaycan Respublikasının Dövlət Himni ilə başlamışdır. Ardınca Sabunçu rayonu ümumtəhsil məktəbləri üzrə mərkəz "Kiçik Akademiya" nın rəhbəri, YAP Sabunçu Rayon Təşkilatı Gənclər Birliyinin sədr müavini Sərxan Şahverdiyev çıxış edərək, elmi-praktiki konfrans haqqında məlumat verdi.  Elmi-praktiki konfransın gündəliyinə əsasən 113 nömrəli tam orta məktəbin direktoru Gültəkin Rüstəmova , 128 nömrəli tam orta məktəbin "Kiçik Akademiya" rəhbəri Sevinc Fətullayeva, 305 nömrəli tam orta məktəbin şagirdi Mahmudlu Ümid "Şərqdə ilk Respublikanın yaradılması", "Müstəqil Azərbaycan", "Heydər Əliyev və Müstəqil Azərbaycan", " Zəfər Tariximiz" mövzularına toxunaraq elmi-məqalə, təqdimatla çıxış etdilər.

Ətraflı

“Heydər Əliyev və Zəfər Tariximiz – Şuşa, Laçın” adlı elmi-praktiki konfrans08.05.2021-ci il tarixdə Sabunçu rayonunun “Kiçik Akademiya”üzrə mərkəz məktəbinin, Yeni Azərbaycan Partiyası Sabunçu Rayon Təşkilatı Gənclər Birliyinin təşkilatçılığı ilə “Kiçik Akademiya”ların Humanitar bölmə, Coğrafiya kafedraları üzrə Microsoft Teams Platforması üzərindən “Heydər Əliyev və Zəfər Tariximiz – Şuşa, Laçın” adlı elmi-praktiki konfrans keçirilmişdir. Konfrans Azərbaycan Respublikasının Dövlət Himni ilə başlamışdır. Daha sonra giriş sözü olaraq Sabunçu rayonunun “Kiçik Akademiya”üzrə mərkəz məktəbinin rəhbəri, YAP Sabunçu Rayon Təşkilatı Gənclər Birliyinin sədr müavini Sərxan Şahverdiyev çıxış edərək elmi-praktiki konfrans haqqında məlumat verdi. Ardınca BŞTİ-nin müdir müavini Hüseyn Əsgərov, BŞTİ-nin Keyfiyyətə nəzarət sektorunun müdiri Anar Mustafazadə, AzTU-nun Abituriyentlərlə və tələbələrlə iş üzrə sektorunun müdiri Əsmər Nəbiyeva çıxış edərək, öz dəyərli fikirlərini konfrans iştirakçıları ilə bölüşdülər. Konfransın gündəliyinə əsasən adları siyahıda qeyd olunan şəxslərin çıxışları baş tutmuşdur : 1. 305 nömrəli tam orta məktəbin şagirdi - Əlizadə Ayan (təqdimat); 2. 215 nömrəli tam orta məktəbin direktoru - Cavad Mustafayev; 3. 75 nömrəli tam orta məktəbin direktoru - Həqiqət Bayramova; 4. 90 nömrəli tam orta məktəbin Coğrafiya müəllimi - Ramilə Məmmədli; 5. 252 nömrəli tam orta məktəbin Azərbaycan dili və ədəbiyyat müəllimi – Jalə Gülalıyeva; 6. 74 nömrəli tam orta məktəbin şagirdi – Ülkər Əsgərova; 7. 75 nömrəli tam orta məktəbin şagirdi – Nuray Quliyeva; 8. 215 nömrəli tam orta məktəbin şagirdi – Aydan İsrayılova Qeyd: Konfransda 200-dən çox şəxs(47 məktəb üzrə müəllim, şagird) iştirak etmişdir.

Ətraflı

"Nizami Gəncəvi irsinin STEAM fənninə inteqrasiyası" adlı müsabiqəsiSabunçu rayonu "Kiçik Akademiya"larının Azərbaycan dili və Ədəbiyyat, İnformatika kafedraları üzrə təşkil olunan "Nizami Gəncəvi irsinin STEAM fənninə inteqrasiyası" adlı müsabiqəsinin nəticələri bəlli olmuşdur. Müsabiqə ərzində şagirdlər fərdi , komanda olaraq "Nizami inciləri ", "Yeddi gözəl", "Nizami məqbərəsi", "Nizami muzeyi", "Nizaminin qəzəlləri ", "Nizami yaradıcılığı", "Fitnə", "İsgəndərnamə əsərindən fraqment", "Nuşirəvanla bayquşların söhbəti", "Söz dünyasının günəşi" adlı mövzulara toxunaraq Tinkercadda işlər təqdim etmişlər. Müsabiqə ərzində işlər qiymətləndirilərək I, II, III yerlərə və Fərqlənmələrə layiq görülmüşdür.

Ətraflı

Zərifə Əliyeva- oftamologiya elminin müstəsna xidmətləri Sabunçu Regional "Kiçik Akademiya"sının, YAP Sabunçu Rayon Təşkilatçılığı ilə Microsoft Teams Platforması üzərindən "Zərifə Əliyeva- oftamologiya elminin müstəsna xidmətləri" adlı elmi-praktiki konfrans keçirildi.

Ətraflı

"Nizami Gəncəvi - dünya ədəbiyyatının incisi" adlı elmi-praktiki konfrans 18.04.2021- ci il tarixdə Sabunçu Regional "Kiçik Akademiya"sının, YAP Sabunçu Rayon Təşkilatı Gənclər Birliyinin, 4 nömrəli VMA-nın təşkilatçılığı ilə Microsoft Teams Platforması üzərindən "Nizami Gəncəvi İli"nin elan olunması ilə əlaqədar "Nizami Gəncəvi - dünya ədəbiyyatının incisi" adlı elmi-praktiki konfrans keçirilmişdir. Konfransda 100 - ə yaxın müəllim, şagird , gənclər iştirak edirdi. Konfransı giriş sözü sözü ilə Sabunçu Regional "Kiçik Akademiya"sının rəhbəri, YAP Sabunçu Rayon Təşkilatı Gənclər Birliyinin sədr müavini , 4 nömrəli VMA-nın prezidenti Sərxan Şahverdiyev başladı. Daha sonra 130 nömrəli tam orta məktəbin şagirdi Babayeva Esmiranın hazırladığı videoçarxa baxış oldu. Ardınca Sabunçu İcra Hakimiyyəti yanında İctimai Şuranın katibi, A.X.Y. adına 112 nömrəli tam orta məktəbin TTİ üzrə direktor müavini, ibtidai sinif müəllimi İlahə Abdullazadə , 169 nömrəli tam orta məktəbin TTİ üzrə direktor müavini Fərman Əmirov , elmi-məqalə müsabiqəsinin qalib müəllimləri ; Aysel Vəlizadə (255 nömrəli tam orta məktəb), Məmmədli Sevinc (307 nömrəli tam orta məktəb), Manaflı Mehri (128 nömrəli tam orta məktəb), Qəmbərova Məhsəti (113 nömrəli tam orta məktəb), Vəliyeva Humay ( 155 nömrəli tam orta məktəb), elmi-məqalə müsabiqəsinin qalib şagirdləri ; Tağızadə Rəhiməxanım (96 nömrəli tam orta məktəb), Rüstəmova Aysu (142 nömrəli tam orta məktəb) Bahar Həmidova (271 nömrəli tam orta məktəb) yazdıqları məqalələri üzrə çıxış etdilər.

Ətraflı

"Kiçik Akademiya"sının rəhbərliyi ilə Regional iclas  30.03.2021-ci il tarixdə Sabunçu Regional "Kiçik Akademiya"sının rəhbərliyi ilə Regional iclas baş tutdu. İclasda 44 məktəbdən direktorlar, direktor müavinləri, KA rəhbərləri iştirak edirdi. Sabunçu Regional"Kiçik Akademiya"sının rəhbəri Sərxan Şahverdiyev çıxış edərək Aprel-İyun ayları ərzində görüləcək işlər barədə aşağıda göstərilən formada qeyd etmişdir : 1. "Aprel döyüşlərindən Zəfər Tarixinə gedən yol" adlı elmi-praktiki konfrans; 2. "Aprel döyüşlərindən Zəfər Tarixinə gedən yol" adlı STEAM müsabiqəsi; 3. "Nizami Gəncəvi İli" ilə bağlı təqdimat müsabiqəsi; 4. "Nizami Gəncəvi İli" ilə bağlı intellektual müsabiqə; 5. "Nizami Gəncəvi İli" ilə bağlı elmi-praktiki konfrans; 6. "Nizami Gəncəvi İli" ilə bağlı əsərlərin STEAM layihəsində inteqrasiyası; 7. "Zəfər Tariximiz və milli ruh" adlı elmi-praktiki konfrans; 8. "Kiçik Akademiya" prezidentləri, vitse-prezidentləri, bölmə rəhbərləri, kafedra müdirləri üçün təlimlər. İclasında sonunda suallara cavablar verildi. https://www.instagram.com/p/CNCYZlwn7Gg/?igshid=zq0o0smty7jb

Ətraflı
HAQQIMIZDA

 Bakı şəhəri, Sabunçu rayonu, Bakıxanov qəsəbəsi, Sülh küçəsi 137 ünvanında yerləşən 74 nömrəli tam orta məktəbin binası ...

BİZİM FƏXRLƏRİMİZ

Kazım Məmmədli 637 bal

Bənövşə İsmayılova 631 bal

HAQQIMIZDA

 Bakı şəhəri, Sabunçu rayonu, Bakıxanov qəsəbəsi, Sülh küçəsi 137 ünvanında yerləşən 74 nömrəli tam orta məktəbin binası ...

BİZİM FƏXRLƏRİMİZ

Kazım Məmmədli 637 bal

Bənövşə İsmayılova 631 bal

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM
  • Azərbaycan müəllimi qəzeti
  • Sabahın alimləri layihəsi