Natural üstü qüvvət
Məktəbin illik fəaliyyət planına uyğun olaraq müxtəlif fənlər üzrə aylıqların keçirilməsi, şagirdlərin bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə il ərzində müxtəlif fənn aylıqlarının keçirilməsi planlaşdırılmışdır. Dekabr ayı məktəbdə riyaziyyat fənn aylığı elan olunub. Aylıq çərçivəsində açıq dərslərin keçirilməsi, dərsdinləmələr, müxtəlif tədbirlər hazırlanması nəzərdə tutulub. Bu məqsədilə 24.12.2024-cü il tarixində 7b sinifində Ağalarova Türkan tərəfindən "Natural üstü qüvvət" mövzusunda nümunəvi dərs təşkil edilib. Dərsdə şagirdlər qruplara bölünərək mövzu ətrafında müzakirələr aparıblar, tapşırıqları yerinə yetiriblər. Məktəbin direktoru Nazəni Məmmədova, təlim-tərbiyə işləri üzrə direktor müavini Şəbnəm Mirzəliyeva, Metodbirləşmə rəhbəri və fənn müəllimləri də dərsdə iştirak ediblər.
