Şanlı bayrağımız balacaların gözü ilə
67 nömrəli tam orta məktəbdə Bayraq Günü münasibətilə keçirilən silsilə tədbirlər davam edir. Növbəti tədbir ibtidai sinif müəllimi Şölə Vəliyevanın təşkilatçılığı ilə onun rəhbərlik etdiyi sinifdə keçirildi. Tədbir zamanı şagirdlər vətənpərvər ruhda şeir və mahnılar səsləndirərək bayrağımızı vəsf etdilər. Tədbirdə məktəbin direktor müavini Səbahət Ağayeva, musiqi müəllimi Sevil Ağamalıyeva, "Məktəblinin dostu" komandasının nümayəndəsi Pərviz Əhmədov və bir qrup valideyn heyəti qonaq qismində iştirak edirdilər. Sonda qonaqlar öz fikirlərini səsləndirərək belə qürurverici tədbirin təşkilinə görə Şölə Vəliyevaya təşəkkür etdilər.
