- Muraz Sadıqov Arif
- Vəzifə: Çağırışaqədərki hazırlıq rəhbəri
- Fənn: Gənclərin çağırışaqədərki hazırlığı
- Bitirdiyi təhsil müəssisəsi: Azərbaycan Texniki Universiteti
- Təvəllüd: 26.06.1980
- İlk fəaliyyət ili: 10.10.2023
- E-mail: [email protected]
II Qarabağ- Vətən müharibəsinin veteranı, Qazi, III qrup əlil, ehtiyatda olan polkovnik-leytenant Sadıqov Muraz Arif oğlu 26 iyun 1980-ci ildə Gürcüstan Respublikası Dmanisi rayonu Dəllər kəndində müəllim ailəsində anadan olmuşdur.
1997-ci ildə orta məktəbi fərqlənmə atestatı və 2001-ci ildə Azərbaycan Texniki Universitetini fərqlənmə diplomu ilə bitirmişdir.
1997-2001-ci illər ərzində Azərbaycan Respublikası Təhsil Naziri yanında Tələbə Şurasının Mətbuat katibi, Azərbaycan Texniki Universitetinin Tələbə Şurasının sədri, “Texniki Oğlanlar” KVN komandasının bədii rəhbəri, qəzet və jurnallarda xüsusi müxbir, məsul katib, şöbə müdiri və redaktor vəzifələrində fəaliyyət göstərmişdir.
2001-ci ilin avqust ayında leytenant hərbi rütbəsi ilə taqım komandiri vəzifəsində həqiqi hərbi xidmətə başlamışdır. Xidməti dövründə bir çox vəzifələrdə xidmət etmişdir.
2021-ci ilin sentyabr ayında Azərbaycan Respublikası Müdafiə Nazirliyinin Baş Qərərgahında Artilleriya Kəşfiyyatı şöbəsinin baş zabiti vəzifəsindən polkovnik-leytenant hərbi rütbəsində səhəti ilə əlaqədar olaraq ehtiyata buraxılmışdır.
Muraz Sadıqov Aprel döyüşlərində, Tovuz əməliyyatında və Vətən müharibəsində səngərdə şəxsi igidlik və mərdlik nümayiş etdirərək iştirak etmişdir.
Vətən müharibəsi zamanı Füzuli, Cəbrayıl, Zəngilan, Qubadlı, Laçın rayonları və Şuşa şəhərinin işğaldan azad edilməsi istiqamətində 44 gün ərzində düşmənin atəş açan artilleriya, minaatan batareyalarının, reaktiv və raket buraxma qurğularının koordinatlarının Universal radiolokasiya kompleksi, Pilotsuz uçuş aparatları və Optik kəşfiyyat vasitələri ilə müəyyən edilməsinə rəhbərlik etmişdir.
Düşmənin aşkar edilmiş hədəflərinə atəşlə zərərvurmada artilleriya atəşinə gecə və gündüz fasiləsiz olaraq xidmət göstərərək düşmənin çoxlu sayda canlı qüvvəsinin, döyüş və avtomobil texnikasının eyni zamanda düşmən ehtiyyatlarının məhv edilməsi və sıradan çıxarılmasına rəhbərlik edərək şəxsi igidlik və şücaət göstərmişdir.
Düşmənin tərkibi və tərtiblənməsində olan dəyişikliklər, planlaşdırılan fəaliyyət barədə məlumatları operativ toplayaraq təhlil etmiş qabaqlayıcı tədbirlərin görülməsinə, düşmən atəşindən öz bölmələrimizin qorunması, şəxsi heyətimizin, silah və texnikamızın məhv olunmasının-sıradan çıxarılmasının qarşısının alınmasına xüsusi mərdlik göstərərək rəhbərlik etmişdir.
Plokovnik-leytenant Muraz Sadıqov döyüşlərdə və Vətən müharibəsində xüsusi igidlik və şücaət göstərdiyinə görə Azərbaycan Respublikasının Prezidenti-Silahlı Qüvvələrin Ali Baş Komandanı cənab İlham Əliyev tərəfindən:
- “İgidliyə görə”,
- “Hərbi xidmətlərə görə”,
- “Cəbrayılın azad olunmasına görə”
- “Qubadlının azad olunmasına görə” medalları ilə təltif olunmuşdur.
2008-2015-ci illərdə Silahlı Qüvvələr üzrə keçirilən “Artilleriya Kəşfiyyatı” yarışlarında 7 dəfə ardıcıl olaraq birinci yerə layiq görülmüşdür.
Muraz Arif oğlu Sadıqov zabit kimi xidmət etdiyi 20 il ərzində Müdafiə Naziri tərəfindən:
- “Qüsursuz xidmətə görə” 1-ci dərəcəli medal;
- “Qüsursuz xidmətə görə” 2-ci dərəcəli medal;
- “Qüsursuz xidmətə görə” 3-cü dərəcəli medal;
- “Hərbi xidmətdə fərqlənməyə görə” 3-cü dərəcəli medal;
- “Silahlı Qüvvələrin 10 illiyi” yubiley medalı;
- “Silahlı Qüvvələrin 90 illiyi” yubiley medalı;
- “Silahlı Qüvvələrin 95 illiyi” yubiley medalı;
- “Azərbaycan Ordusunun 100 illiyi” yubiley medalı, bir çox qiymətli hədiyyələrlə və fəxri fərmanlarla təltif olunmuşdur.
Sadıqov Muraz müxtəlif vaxtlarda Türkiyyə Cümhuriyyətində, İsrail Dövlətində və Azərbaycan Respublikasında müxtəlif növ xüsusi təlimlər keçərək, kursları müvəffəqiyyətlə bitirmiş və xüsusi təyinatlı təhsil müəssisələrində təhsilini uğurla başa vurmuşdur.
Nigar Musayeva Natiq
Vasif Əbilov İdris
