Milli Qəhrəman Nofəl Quliyev növbəti dəfə məktəbdə yad edildi
67 nömrəli tam orta məktəbin Milli Qəhrəman Nofəl Quliyev adına IX "ə" sinfi qəhrəmanın doğum günündə onun əziz xatirəsini yad etmək məqsədi ilə tədbir keçirdilər. Tədbirdən iki gün öncə, 2 oktyabr tarixində Milli Qəhrəman Nofəl Quliyevin doğulub böyüdüyü Şirvan şəhərində qonaq oldular. 4 oktyabr tarixində isə sinifdə qəhrəmanı, onun döyüş yolunu, göstərdiyi şücayətləri yad etdilər. Tədbirdə Milli Qəhrəman Nofəl Quliyevin həyat yoldaşı Firavan xanım, məktəbin direktoru İradə Bayramova, direktor müavinləri Gülnarə Bağırova, Ceyran Məmmədova və Məleykə Muradova, Azərbaycan dili müəllimi Şəfayə Cəfərova və məktəbdə çalışan məktəblinin dostları iştirak etdilər.
