Mən Azərbaycanlıyam
67 nömrəli tam orta məktəbdə növbəti tədbir Azərbaycan dili müəllimi Sədaqət Rəsulovanın təşkilatçılığı ilə keçirildi. VII "ç", VII "ə" və VIII "a" siniflərinin iştirakı ilə keçirilən maraqlı tədbir "Milli-mənəvi dəyərlərimiz tarixi sərvətimizdir" mövzusuna həsr olunmuşdu. "Mən Azərbaycanlıyam" adlı tədbirdə şagirdlər maraqlı səhnəciklər nümayiş etdirdilər, mahnı və şeirlər səsləndirdilər, milli rəqsimizdən nümunələr göstərdilər. Olduqca geniş mövzunu əhatə edən tədbirdə məktəbin direktoru İradə Bayramova, direktor müavinlərindən Ceyran Məmmədova və Məleykə Muradova, kitabxana müdiri Həmayıl Hacıyeva qonaq oldular.
