Vətənimizin gözəllikləri
Məktəbimizdə milli özünüdərk, milli düşüncə, milli təfəkkür və milli iftixar hissinin aşılanması istiqamətində silsilə tədbirlər davam edir. Növbəti tədbir tarix müəllimi Gülşarə Rüstəmovanın, coğrafiya müəllimi Elmira Özyürəyin və Azərbaycan dili müəllimi Tamilə Calalzadənin birgə təşkilatçılığı ilə keçirilən "Azərbaycanın qədim tarixi, elmi, mədəniyyəti, incəsənəti, dövlətçilik ənənələri, tarixi şəxsiyyətləri, milli-mənəvi dəyərləri, zəngin təbiəti" mövzusuna həsr olunmuş tədbir oldu. Tədbirdə şagirdlərin və müəllimlərin ifasında şeirlər səsləndi, mövzuya aid təqdimatlar nümayiş etdirildi. Məktəbin bir qrup müəllim və şagird heyəti tədbiri maraqla izlədilər.
