İslam dininin sosial-ictimai və mənəvi mahiyyəti
67 nömrəli tam orta məktəbin fəaliyyət planına əsasən şagirdlərdə İslami dəyərlərin düzgün formalaşdırılması istiqamətində müxtəlif tədbirlər həyata keçirilir.
Məktəbin Valideyn Müəllim Assosasiyasının rəhbəri Naibə Əhmədovanın təşkilatçılığı ilə növbəti tədbir keçirildi. Tədbir "Dini hadisə, mərasim və bayramların sosial-ictimai və mənəvi mahiyyəti" mövzusuna həsr olunmuşdu. Tədbirə yazıçı, tərcüməçi publisist Ülviyyə Tahir qızı və şair, ilahiyyətçi yazar, tərcüməçi araşdırmaçı, prezident təqaüdçüsü, "İzimiz" İctimai Birliyinin sədri Aişə Nəbi, məktəbin direktor müavinləri Ceyran Məmmədova və Məleykə Muradova, valideyn və şagird kollektivinin bir qismi iştirak etdilər. Dəyirmi masa arxasında keçirilən tədbirdə qonaqlar bir sıra suallara cavab verdilər və yetişməkdə olan gələcəyimizə dinimizin buyurduğu əxlaq normalarından bəhs etdilər.
