"Dövlət bayrağının tarixi" mövzusunda səyyar mühazirələr
Azərbaycan Respublikası Təhsil Nazirliyinin razılığına əsasən Nazirlər Kabineti yanında Dənizkənarı Bulvar İdarəsi Dövlət Bayrağı Muzeyinin əməkdaşları tərəfindən 2003-cü ildən etibarən Bakı şəhər ümumtəhsil məktəblərinin şagirdləri üçün "Dövlət bayrağının tarixi" mövzusunda səyyar mühazirələr keçirilir.Gənc nəslin vətənpərvərlik ruhunda tərbiyə olunması və dövlət rəmzlərinin geniş təbliğ edilməsi məqsədilə səyyar mühazirələr 2017-2018-ci tədris ilində də davam etdirilir. Belə mühazirələrdən növbətisi 20.10.2017-ci il tarixində 67 nömrəli tam orta məktəbdə keçirilmişdir.