"Yaşıl dünya" aksiyasına qoşulan növbəti sinif
2024-cü ilin "Yaşıl dünya naminə həmrəylik ili" elan olunması ilə bağlı 67 nömrəli tam orta məktəbin VI "c" sinfində "Bitkilərin ətraf mühitə uygunlaşması" mövzusuna həsr olunmuş maraqlı dərs keçirilib. Məktəbin biologiya müəllimi Günel Xasaylı bitkilərdə meyvə və toxumların yayılma yolları, işığa qarşı olan uyğunlaşma formaları barədə şagirdlərə ətraflı məlumat verib və onların araşdırmalarını müzakirə edib.
