Qaliblər mükafatlandırılıb
67 nömrəli tam orta məktəbin IV siniflərdə riyaziyyat fənn aylığı çərçivəsində riyaziyyat olimpiadası keçirilib. Əsas məqsəd şagirdlərdə fənnə olan marağın artırılması, sağlam rəqabət hissinin formalaşdırılması, zəifliklərin aradan qaldırılması istiqamətində lazımi tədbirlərin görülməsi olub.
Riyaziyyat olimpiadasının qalibləri məktəb rəhbərliyi tərəfindən diplomla təltif olunub. Təltifetmə zamanı məktəbin direktoru İradə Bayramova çıxış edərək riyaziyyat fənninin önəmini, gələcəkdə riyazi bacarıqların onlara həyat boyu lazım olacağını vurğulayıb, qalibləri təbrik edib.
