Məktəbdə Zəfər müjdəli Bayraq Günü qeyd olunub
67 nömrəli tam orta məktəbdə möhtəşəm bayram tədbiri keçirilib. Müəllim və şagird kollektivinin iştirakı ilə qeyd olunan 8 Noyabr Zəfər Günü və 9 Noyabr Bayraq Günü böyük coşquya səbəb olub. Tədbirdə şagirdlərin ifasında şeirlər və mahnılar səsləndirilib, rəqslər nümayiş etdirilib. Vətənpərvər ruhda çıxışlarla zəngin olan bayram şənliyi qürurverici görüntülərlə zəngin olub.
Hər kəsin Zəfər müjdəli Bayraq Gününü kollektivimiz adından təbrik edir, 3 rəngli bayrağımızın daima zirvələrdə dalğalanmasını və qələbəmizin daimi olmasını arzulayırıq.
