Tarixdə bugün
15 İyun Milli Qurtuluş Günü - Azərbaycanın taleyini dəyişən zəfər tarixidir.
1993-cü il iyunun 15-də Heydər Əliyev Azərbaycan Respublikası Ali Sovetinin sədri seçilib. Beləliklə, 15 iyun Azərbaycanın tarixinə Milli Qurtuluş Günü kimi daxil olub. 1997-ci ildən qeyd olunan bayrama 1998-ci ildən dövlət statusu verilib.
Milli Qurtuluş Günü Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür. İyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan və xalqına arxa, dayaq olan Ümummilli Lider Heydər Əliyevdir.
Hər kəsi Milli Qurtuluş Günü münasibətilə təbrik edir, Ulu öndər Heydər Əliyevin əziz xatirəsini hörmət və ehtiramla anırıq.
