Tarixdə bugün
5 iyun - Dünya Ətraf Mühitin Mühafizəsi Günüdür.
Birləşmiş Millətlər Təşkilatının Baş Assambleyasının 1972-ci il 5 iyun tarixində Stokholm şəhərində keçirilən iclasında ətraf mühit məsələləri diqqət mərkəzində olub. Problemin ciddiliyini, əhali arasında ekoloji şüurun genişləndirilməsi, ətraf mühitin mühafizəsi problemlərinə diqqətin yönəldilməsi vacibliyini nəzərə alan iştirakçılar tərəfindən 5 iyunun “Dünya ətraf mühitin mühafizəsi günü” kimi qeyd olunmasına qərar verilib və növbəti ildən başlayaraq həmin gün bütün dünyada təntənəli şəkildə qeyd olunmağa başlanıb.
Hər kəsi ətraf mühitə qarşı daha həssas davranmağa və onun mühafizəsi üçün əlindən gələni etməyə çağırırıq.
