Su çərşənbəniz mübarək!
Novruzun gəlişinin ilk müjdəçilərindən biri su çərşənbəsdir. Bayram məhz çərşənbələrdən başlayır. Su çərşənbəsini "Əzəl çərşənbə", "Sular Novruzu" da adlandırırlar. Su çərşənbəsində su və su mənbələri təzələnir, arxlar qaydaya salınır, su hövzələrində abadlıq işləri görülür, su ilə bağlı müxtəlif şənliklər keçirilir. Su çərşənbəsi suya tapınma inamı ilə bağlıdır. Hələ gün doğmamışdan hamı su üstünə gedir, əl-üzünü yuyur, bir-birinin üzərinə su çiləyir, su üstündən atlanır, yaralıların yarasına su çiləyirlər. Xalqın inamına görə Su çərşənbəsi günü "təzə su"dan keçənlər, azarını, bezarını ona verənlər il boyu xəstəlikdən uzaq olarlar.
Su həyatdır. Həyatınız su qədər aydın və pak olsun, ömrünüz uzun, canınız sağlam olsun.
Su çərşənbəniz mübarək!
