Son zəng
62 nömrəli məktəb-liseydə təşkil olunan "Son zəng" tədbirində ilk öncə 11-ci siniflər musiqi və alqış sədaları altında səhnəyə gəldilər. Məzunlar yerlərini tutduqdan sonra cəmiyyətin aparıcı qüvvəsi olan məzunların şəxsiyyət kimi yetişməsində rolu olan müəllimlər kollektiv heyət alqış sədaları altında səhnəyə daxil oldular. Azərbaycan Respublikasının dövlət himni səsləndi və torpaqlarımızın ərazi bütövlüyü uğrunda canından keçən I və II Qarabağ müharibəsi şəhidləri sükutla yad edildi və onların barelyeflərinə şəhid analarına və qazilərimizə çiçəklər təqdim edildi.
Tədbiri çıxış sözü ilə 62 nömrəli məktəb-liseyin direktoru Mətanət Cabbarlı açaraq tədris uğurlarında və qarşıda duran perspektivləri deyərək məzunları, valideynləri və müəllimləri təbrik etdi. Söz qonaqlara, şəhid analarına və qazilərə verildi. Məktəbin birinci sinif şagirdlərinin maraqlı çıxışı böyük alqışla qarşılandı. Çıxış üçün söz buraxılış imtahanlarından maksimum 300 bal toplamış Rəsul Həsənlinin valideyni Məhsəti Həsənliyə və buraxılış imtahanından 295 bal toplamış Tapdıqova Türkana verildi.
Tədbirdə daha bir maraqlı təqdimat oldu. 10-cu sinif şagirdləri ilə birgə məktəb-liseyin direktorunun təbrik mahnısını dinlədi.
Məktəb-liseyin ənənəsi üzrə məktəbin bilik açarı buraxılış imtahanlarında respublika üzrə ən yüksək nəticədən 296 bal toplayan Əli Səmədov, 293 bal toplayan Türkan Tapdıqova tərəfindən təqdim olundu.
Birlik və həmrəylik rəmzi məzunlar tərəfindən təqdim edildi. Həyəcanlı anlardan sonra mantiyalar geyinildi. Son zəngin ardından papaq atma mərasimi oldu.
