62 №-Lİ MƏKTƏB-LİSEY

5d sinif şagirdləri Allahverdi Yusif Telman oğlu və Uğur Rəsulov Vuqar oğlu 10 oktyabr 2024-cü ildə Fermat (FMO) beynəlxalq riyaziyyat olimpiadasında iştirak etmişlər.Şagirdlərdən Yusif Allahverdi qızıl medalla,Uğur Resulov isə sertifikatla teltif olunmuşdur.

Şagirdlərin təqdim etdiyi layihələr ekoloji problemlərin həllinə fərqli baxışlar təqdim edir. Şagirdlər, təbiətin qorunmasına dair mesajlarını və eləcədə respublikamızda keçiriləcək COP 29 haqqında məlumatları qısa videoçarxlar , slaytlar vasitəsilə çatdırmağa çalışdılar. Burada şagirdlər ətraf mühitə mənfi təsir göstərən faktorları və onların qarşısının alınması yollarını göstərmişlər.Bu həm maarifləndirici, həm də təsirli olub, izləyicilərə ekoloji məsələlərin əhəmiyyətini aşılamaq məqsədi daşıyırdı. Məsələn, bir video layihəsində şagirdlər su israfının qarşısının alınması üçün gündəlik həyatda asanlıqla tətbiq oluna biləcək addımlar göstərdilər.

2020-ci il noyabr tarixində 28 illik həsrətdən sonra Azərbaycan xalqı üçün böyük tarixi əhəmiyyət kəsb edən və rəmzi məna daşıyan Şuşa şəhəri işğaldan azad edilmişdir. Azərbaycan Respublikasının Prezidenti İlham Əliyevin 2020-ci il 3 dekabr tarixli sərancamı ilə bu misilsiz qələbənin əbədiləşdirilməsi məqsədilə hər il noyabrın 8-i Azərbaycan Respublikasında Zəfər Günü kimi qeyd edilməsi qərara alınmışdır.
        Hər il olduğu kimi bu il də 62 nömrəli məktəb-lisey Zəfər Gününü şeirlərlə, beyinlərə həkk olunacaq vətənpərvər sözlərlə yad etdi.
          Şərəflə yazılmış tariximizi unutmamaq borcumuzdur!

Ətraf mühitin sağlamlaşdırılması və təbiətin qorunması müasir dövrümüzün ən vacib mövzularından biridir. Bununla əlaqədar keçirilən dəyirmi masalarda şagirdlər yaşıllıqların bərpası, su ehtiyatlarının qorunması və dayanıqlı enerji mənbələrindən səmərəli istifadə mövzusunda maraqlı çıxışlar etdilər. 
Bu  baxımdan, şagirdlər yaşıllıqları artırmaq üçün ağac əkmə kampaniyalarının genişləndirilməsinin vacibliyindən danışdılar. Həmçinin, şəhərlərdə parkların və meşəlik ərazilərin sayını artırmağın zəruriliyi vurğulandı. Şagirdlər hər bir insanın məsuliyyətli davranaraq, yaşıllıqların qorunmasında və artırılmasında fəal iştirak etməli olduğunu qeyd etdilər.
Dəyirmi masada su ehtiyatlarının qorunması da müzakirə olundu. Şagirdlər bildirdilər ki, su ehtiyatları tükənməz deyil və onların düzgün idarə olunması təbiətin davamlılığı üçün çox əhəmiyyətlidir. Dünyada su çatışmazlığı problemi getdikcə daha geniş yayılır, bu problemin aradan qaldırılması üçün israfın qarşısının alınmasının vacibliyini qeyd etdilər. Onlar suyu qənaətlə istifadə etməyin yollarını, evdə və ictimai yerlərdə suya qənaət edən texnologiyaların tətbiqinin vacibliyini vurğuladılar.
Sonda iştirakçıların təklifləri səsləndi.

Birləşmiş Millətlər Təşkilatının Uşaq Hüquqları Konvensiyasının qəbul edilməsinin ildönümü münasibətilə uşaqların hüquqlarının qorunması, rifahı və cəmiyyətimizdə uşaq haqlarının möhkəmləndirilməsi maarifləndirmə məqsədi ilə məktəbimizdə layihə əsaslı dərslər təşkil olunmuşdur. Bu tədbirlər vasitəsilə uşaqların təhsildən, sağlamlıqdan və sosial müdafiədən bəhrələnmək hüququna diqqət çəkmək, onların təhlükəsizlik və azadlıq hüquqlarını qorumaq əsas məqsədlərdən biridir.

Hər bir uşaq təhlükəsiz və sağlam mühitdə yaşamaq, təhsil almaq və bərabər imkanlardan yararlanmaq hüququ var.