HAQQIMIZDA

          Bakının Nizami rayonunda yerləşən 62 nömrəli məktəb-lisey 1964-cü ildə inşa edilmişdir və fəaliyyətinə fars təmayüllü məktəb kimi başlamış, bir korpusdan ibarət olan məktəb-lisey 670 şagirdin təhsil alması üçün nəzərdə tutulmuşdur. Hazırda məktəb-lisey şəhid X.Quliyevin adını daşıyır. 2007-2008-ci tədris ilində 62 nömrəli məktəb Azərbaycan Respublikası Təhsil Nazirliyinin 02.07.2007-ci il tarixli 790 №li əmri ilə texniki, humanitar və təbiət fənləri üzrə status almış və məktəb-lisey kimi fəaliyyətə başlamışdır. Məktəb 2009-2010-cu tədris ilində ölkə Prezidenti İlham Əliyevin sərəncamı ilə "İlin ən yaxşı məktəbi" adına layiq görülmüşdür. 2012-2013-cü tədris ilindən 62 nömrəli məktəb "Elektron məktəb" layihəsinə qoşulmuşdur. Məktəb-liseydə 123 nəfər pedaqoji heyət fəaliyyət göstərir. Hal-hazırda məktəb-liseyin 52 sinfində 1119 nəfər şagird təhsil alır. 2008-ci ildə 2 nəfər riyaziyyat, 2013-cü ildə 1 nəfər Azərbaycan dili və ədəbiyyatı müəllimi "Əməkdar müəllim", 2011-ci ildə 1 nəfər Azərbaycan dili ədəbiyyatı müəllimi "İlin ən yaxşı müəllimi" adına layiq görülmüşdür. 2011-2012-ci tədris ilində 3 nəfər şagirdimiz "Qızıl medal"a, 1 nəfər "Prezident təqaüdü"nə layiq görülmüşdür. Sentyabrın 5-də Azərbaycan Respublikasının Prezidenti İlham Əliyev Bakının Nizami rayonundakı şəhid Xalid Quliyev adına 62 saylı məktəb-liseydə həyata keçirilən əsaslı təmir və yenidənqurma işlərindən sonra yaradılan şəraitlə tanış olub.Məktəbdə 41 sinif, 2 informatika, 3 laboratoriya otaqlarından ,hərbi təlim sinifindən, idman və akt zalından, yeməkxanadan ibarət məktəbin mövcud korpusu 1964 -cü ildən fəaliyyət göstərir .Məktəbdə əsaslı təmir işləri Azərbaycan Prezidentinin Sərəncamı ilə təstiq edilmiş 2014-2016 cı illərdə Bakı və ətraf qəsəbələrin sosial-iqtisadi inkişafı Dövlət proqramına əsasən aparılıb.Bina müasir səviyyədə əsaslı təmir olunub.Təhsil müəssəsinin yerləşdiyi ərazinin sahəsi 11 min kvadratmetrdir.984 şagird yerlik məktəbdə tədrisin müasir səviyyədə qurulması üçün hər cür şərait yaradılıb.Tədris müəsissəsi lazımi avadanlıqlarla tam təchiz olunub.Dövlətimizin başçısı məktəb-liseydə yaradılan Sağlam təhsil-sağlam millət lahiyəsinin məqsədi məktəblərdə şagirdlərin sağlamlığının qorunması və təhsil nailiyyətlərinin yüksəldilməsindən ibarətdir. Prezident İlham Əliyevin ölkədə təhsilin inkişafına göstərdiyi diqqət və qayğı bu sahəni dövlət siyasətinin mühüm prioritetləri sırasına daxil etməsi təsadüfi deyil.Ulu öndər Heydər Əliyevin də dediyi kimi ,təhsil millətin gələcəyidir.Son illər bu istiqamətdə görülən tədbirlər tədris prosesinin günün tələbləri səviyyəsində qurulmasına imkan verən müasir məktəb binalarının inşası prosesini daha da surətləndirib.Yeni tədris ilində şagirdlərin ixtiyarına veriləcək futbol, voleybol və basketbol meydançalarında da əsaslı yenidənqurma işləri görülüb.Məktəbin həyətyanı ərazisində geniş abadlıq işləri aparılıb, işıqlandırma sistemi quraşdırılıb.

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM