Şəhidlərin ruhu bizi səsləyir
Ölkəmizin müstəqilliyi uğrunda mübarizədə canlarından keçmiş vətən övladlarını yad etmək məqsədi ilə Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi yazılan " 20 Yanvar" faciəsinə həsr olunmuş 62 nömrəli məktəbin şagirdləri tərəfindən keçirilən "Şəhidlərin ruhu bizi səsləyir" adlı ədəbi - bədii kompozisiya ürəyimizi bir daha sızlatdı. Tədbirdə şəhidlərin xatirəsinə həsr olunmuş şeirlər dinlənildi, mahnılar ifa olundu. "20 Yanvar" faciəsi yaddaşlarda bir daha səhifələndi. Kompozisiyada bu gün tariximizdə həm faciə, həm də qəhrəmanlıq günü kimi qalması özünü əks etdirirdi. Bu tarixi gündə Azərbaycan xalqı əsrlər boyu qəlbində yaşatdığı milli azadlıq və istiqlal yolunda geri çəkilməyəcəyini, canından belə keçməyə hazır olduğunu dünyaya nümayiş etdirdi.
Məktəbin foyesində faciəyə həsr olunmuş əl işləri, rəsmlər nümayiş olundu. Şəhidlərə həsr olunmuş foto stend hazırlandı, guşə yaradıldı.Biz fəxr edirik ki, azadlıq yolunda özünü qurban vermiş şəhidlərimiz var. Onların qəhrəmanlıqları, onların ruhu bizim qəlbimizdə daima yaşayacaqdır.
