Qarabağ Azərbaycandır
30.12.2020 ci il tarixində Xalid Quliyev adına 62 nömrəli məktəb-liseyin "QARABAĞ AZƏRBAYCANDIR " layihəsi çərçivəsində növbəti tədbiri baş tutdu. Tədbirdə Azərbaycan Respublikası Prezidentinin sərəncamı ilə "Cəbrayılın azad olunmasına görə" medalı ilə təltif edilmiş II Qarabağ müharibəsi qazisi mayor , batalyon komandiri Əliyev Xəyyam Şadət oğlu iştirak etdi və müzəffər ordumuzun qələbəyə gedən şanlı döyüş yolu haqqında iştirakçılara məlumat verdi. Qazimiz torpaqlarımızı işğaldan azad etmək üçün əsgərlərin göstərdikləri şücaətin əvəzsizliyi və Vətənimizin ərazi bütövlüyünü qoruyub saxlamağı şagirdlərimizin vətənpərvərlik vəzifəsi olduğu haqqında şagirdlərlə söhbət etdi. Məktəb - liseyin müəllim heyəti və şagirdlərinin Qubadlı və Zəngilan rayonlarının iqtisadi mövqeyi , tarixi təbii ehtiyatları, flora və faunası haqqında maarifləndirici təqdimatları oldu.
