"Qarabağ Azərbaycandır''
Bakı şəhəri Nizami rayonu şəhid Xalid Quliyev adına 62 nömrəli məktəb-liseyin rəhbərliyinin təşəbbüsü ilə "Qarabağ Azərbaycandır'' layihəsi çərçivəsində onlayn silsilə tədbirlərin təqdimatına başlanıldı.Tədbirlər silsiləsi çərçivəsində ilk onlayn konfrans bu gün-dekabrın 7-də baş tutdu.Konfransda Ali Baş komandanın Vətən müharibəsi dövründə Azərbaycan dövlətini şanlı qələbəyə aparan siyasəti haqqında geniş məlumat verildi,qüdrətli ordumuzun 44 gün ərzində yazdığı şanlı tarixin səhifələri və öz canlarını Vətən uğrunda fəda edən şəhidlərimizin xatirələri hörmətlə anıldı.İşğaldan azad olunmuş bölgələrin tarixi,coğrafi mövqeyi,tanınmış şəxsiyyətləri haqqında videotəqdimatlarla çıxışlar zamanı şagirdlərimizin diqqətinə çatdırıldı ki,onlar tariximizin zəfər yazan oğlanlarının davamçılarıdır və bu yolda ilk vəzifəmiz onların gördüyü şərəfli işləri davam etdirmək Vətənimizi ən gözəl şəkildə qorumaq ,öyrənmək və təbliğ etməkdir.
