“Xocalı qan yaddaşım” adlı anım mərasimi.
25 fevral 2016-cı il tarixdə 53№-li tam orta məktəbin akt zalında Azərbaycan Respublikası Prezidenti yanında Bilik Fondunun Yasamal rayonu üzrə nümayəndəsi Firəngiz Həsənovanın təşəbbüsü ilə Yasamal rayon İcra Hakimiyyəti ilə birgə Xocalı soyqırımının 24-cü ildönümü münasibətilə “Xocalı qan yaddaşım” adlı anım mərasimi keçirildi.Tədbirdə Rayon İcra Hakimiyyətinin rəhbərliyi və nümayəndə heyəti,Yeni Azərbaycan Partiyası Yasamal rayon təşkilatının rəhbərliyi və nümayəndə heyəti,Yasamal rayon Ağsaqqallar Şurasının sədri akademik Kərim Kərimov, rayon ictimaiyyətinin nümayəndələri, Xocalıdan olan 21 nəfər şəhid ailəsi üzvləri, rayonun ümumtəhsil məktəblərinin rəhbərləri, 53,60,175,225,173, 52 saylı məktəblərin müəllim və şagird heyəti iştirak edirdilər. Məktəbin direktoru Firəngiz Həsənova anım mərasimini açıq elan etdikdən sonra Xocalı soyqırımı qurbanlarının əziz xatirəsi bir dəqiqəlik sükutla yad edildi. Yasamal rayon İcra Hakimiyyətinin başçısı İbrahim Mehdiyev,Yeni Azərbaycan Partiyası Yasamal rayon təşkilatının sədri Tağı Əhmədov, 52№-li tam orta məktəbin direktoru Elmira Ələsgərova, “Əsgər papağı” əsərinin müəllifi Elnurə Abdullayeva tədbirdə çıxış etdilər. Sonra Bakı “Kölgə” teatrının aktyorlarının ifasında Elnurə Abdullayevanın ssenarisi əsasında hazırlanmış "Əsgər papağı" tamaşası göstərildi. Tədbir zamanı Akademik Kərim Kərimovun təcavüzkar erməni siyasətini ifşa edən karikaturalarından ibarət rəsm sərgisi nümayiş olundu. Sərgi iştirakçılar tərəfindən böyük marağa səbəb oldu.
