YENİ İL ŞƏNLİYİ.
30.12.2015-ci il tarixində məktəbimizdə Yeni il şənliyi keçirildi. Yeni il – yeni arzular, yeni istəklər, yeni ümidlər bayramıdır. Tədbirdə bu il Ölkəmiz üçün çox uğurlu bir il olduğu qeyd olundu. Məhz bu ildə Azərbaycanımız yeni bir ilkə imza atdılar. İyul ayında ölkəmizdə Avropa oyunları keçirildi.Qeyd edək ki, bu dünyada ilk Avropa oyunları idi. Və bu möhtəşəm Avropa oyunları azərbaycanımızın tarixinə qızıl hərflərlə həkk oldu. Avropa oyunlarının Azərbaycan da keçirilməsi bir daha ölkəmizin qüdrətindən, gücündən, inkişafından xəbər verir.Bu il məktəbin 94 şagirdi ali məktəblərə qəbul olub. Şagirdlərimizin 8-i 500-dən, 6-sı 600-dən yuxarı bal toplamışdır. Bu il məktəbimizdə Ümummilli lider Heydər Əliyevin siyasi fəaliyyəti ilə bağlı silsilə tədbirlər keçirildi. Azərbaycan Respublikası Yanında Bilik Fondu ilə birlikdə silsilə tədbirlərin keçirildiyi vurğulandı.2016-cı il də uğurlarımızın davamlı olması arzulandı. Şagirdlər Küknar ağacını dövrəyə aldılar yeni illə bağlı mahnılar, şeirlər söylədilər.
