“Narkomaniya bəlasından qurtulaq” devizi altında tədbir keçirildi.
Məktəbimizin akt zalında 18.12.2015-ci il tarixində “Narkomaniya bəlasından qurtulaq” devizi altında tədbir keçirildi. Tədbirdə Yasamal rayon Polis İdarəsinin Yetkinlik Yaşına Çatmayanlarla Profilaktik işin Təşkili Bölməsinin inspektorları polis polkovnik-leytenantı Fərqanə Şərifova, polis baş leytenantı Anar Qasımov; Yasamal rayon Polis İdarəsinin Veteranlar Şurasının sədri Vəliyəddin Sultanov, sədr müavini Xanlar Ağayev; Bakı şəhər Narkoloji dispanserin həkim-narkoloqu Elçin Haqverdiyev iştirak etdilər. Tədbirdə çıxış edənlər bəşəriyyətin ən böyük bəlalarından olan ağ ölümdən, onun törədə biləcəyi faciələrdən söz açdılar.Çünki bu bəlaya düçar olan hər hansı bir insan uzun müddət sağlamlığını itirməklə yanaşı başqalarını da həmin bəlaya düçar etməyə çalışır. “Ağ ölüm” dən qurtulmağın və xilas olmağın yeganə bir yolu var-bu da ondan ibarətdir ki, hər evdə, hər ailədə, hər kənddə, hər şəhərdə, hamı bu bəlaya qarşı sakit durub baxmamalıdır. Çünki bu istiqamətdə həm pozitiv həm də neqativ hal evdə, məktəbdə uşaqların təlim-tərbiyəsinə nəzarət etməkdən başlayır. Əgər hər hansı bir yeniyetmə və gənc əvvəlcə siqaret çəkib araq içirsə, təbii ki, sonra da bu nəzarətsizlikdən istifadə edərək narkomanların düşdüyü mühitə daha tez meyl edəcək. Sonda “Avand” teatr qrupu “Narkostop” tamaşasını nümayiş etdirdilər. Şagirdlərimiz tamaşanı böyük maraqla izlədilər.
