Zərərli "dostlar".
Yasamal rayonu 53№li tam orta məktəbdə 12may 2015-ci il tarixdə zərərli vərdişlərlə bağlı tədbir keçirildi.9 və 10-cu sinif şagirdləri cəlb olunaraq zərərli vərdişlərin ziyanları barədə məlumat verildi.Məktəbin tərbiyə işləri üzrə direktor müavini Lalə Nəsirova, məktəbin psixoloqu Ləman Quliyeva şagirdlərə bu vərdişlərdən uzaq durmaq və onlardan qorunmanın vacibliyini qeyd etdilər.Müəllimlərlə bərabər şagirdlər də bu disputda iştirak etdilər. 9b sinif şagirdi Şəmsiyyə narkomaniyanın fəsadlarından, 9b sinif şagirdi İnci spirtli içkilərin ziyanlarından, 10b sinif şagirdi Tunar isə siqaretin sağlamlığa verdiyi ziyanlardan danışaraq öz yoldaşlarını bu yoldan uzaq durmağa səslədilər. Tədbir zamanı şagirdlərə zərərli vərdişlərlə bağlı çəkilmiş filmlərdə göstərildi. Filmlərdən sonra bu vərdişlərdən uzaq durmağa səsləyən ”Sağlam yaşam tərzi ilə , sağlam gələcəyə addımla!”- şüarı ilə tədbir yekunlaşdı.
