Nağıllar aləminə səyahət
Məktəbin 1ğ sinfinin sinif rəhbəri Aytən Aşırovanın təşkilatçılığı ilə “Nağıllar aləminə səyahət” adlı tədbir keçirilib.
Çıxış edən məktəbin Təlim-tərbiyə işləri üzrə direktor müavini Əminə Həmzəyeva bildirib ki, xalqımızın zəngin şifahi ədəbiyyatı vardır. Söz sənətimizin ilk örnəkləri qədim dövrlərdə yaranmış, dildən-dilə, ağızdan-ağıza keçərək yaşamış və zənginləşmişdir. Azərbaycan xalqının yüzillər boyu yaratdığı şifahi xalq ədəbiyyatı onun tarixi, mədəniyyəti, mənəviyyatı, həyat tərzi, adət-ənənələri haqqında zəngin məlumat verən əsas qaynaqlardan hesab olunur.
Tədbirdə şagirdlər Vətən torpağının hər şeydən üstün olduğundan bəhs edən “Bir parça torpaq”, şifahi xalq ədəbiyyatının əsas nağılları “Göyçək Fatma”, “Ağbəniz”, “Tıq-tıq xanım” və başqa nağılları səhnələşdirib. Müxtəlif rəqslər edib, şeirlər səsləndiriblər.
Sonda müəllimə çıxış edərək şagirdlərə uğurlar arzu edib.
