İngilis dili aylığı
Mayın 20-si məktəbdə təcrübə keçən Azərbaycan Dillər Universitetinin İngilis dili fakültəsinin tələbələrinin təşkilatçılığı ilə “İngilis dili aylığı”-na həsr olunmuş tədbir keçirilib.
Tədbirdə Azərbaycan Dillər Universitetinin Filologiya fakültəsi nəzdində Xarici dillərin tədrisi metodikası kafedrasının dosenti Qələmşah Heybətov, Jalə Mehraliyeva, Təhsil- 2 fakültəsi nəzdində İngilis dilinin leksikologiyası və üslubiyyatı -2 kafedrasının baş müəllimi Təranə Zeynalova iştirak edib.
Azərbaycan respublikasının və Böyük Britaniyanın himninin səslənməsi ilə başlayan tədbirdə şagirdlər ingilis yazıçısı Şekspir, Çarlz Dikkens, Robert Burns və digərləri haqqında məlumat verib, onların şeirlərini səsləndiriblər. “Kral Lear”, “Bir gülüş” adlı səhnəciklər nümayiş olunub və müxtəlif mahnılar səsləndirilib.
Sonda “Dünyaya sülh gərək!” adlı kompozisiyanı təqdim edən tədbir iştirakçıları “We Are The World” mahnısını ifa edib.
