Dəyərlərimizi qoruyaq!
“Dəyərlərimizi qoruyaq!” layihəsi çərçivəsində məktəbin 2c sinfinin sinif rəhbəri Səadət İsmayılova Novruz adət-ənənələrinə həsr olunmuş sinif təşkilat saatı keçirib.
Təşkilat saatının həyata keçirilməsində əsas məqsəd milli-mənəvi dəyərlərimizin qorunması və zənginləşdirilməsi, şagirdlərin dəyərlərə məhəbbət ruhunda tərbiyə edilməsindən ibarət olub.
Sinifdə şagirdlərin əl işlərindən ibarət guşə hazırlanıb. Burada novruz bayramının əsas personajları keçəl və kosa modeli, səməni, tonqal maketi nümayiş olunub. Şagirdlər adət-ənənələrimiz haqqında əldə etdiyi məlumatları sinif yoldaşları ilə bölüşüblər.
