Mənim xəyallarım ümman tanımır…
Məktəbin Azərbaycan dili müəllimi Aslanova Könül 5 “F” sinfində “Hekayənin yazılması” mövzusunun tədrisi zamanı şagirdlərin yaradıcılıq qabiliyyətinin, təfəkkürünün inkişafı üçün dərslə əlaqələndirilmiş kiçik hekayələrin tərtibi üsulundan istifadə edib. Bu üsuldan istifadə zamanı şagirdlərin yaradıcılıq azadlığının təmin edilməsi əsas şərtlərdən biridir.
Qeyd edək ki, Azərbaycan dili dərslərində şagirdlərin yaradıcı dünyasının, xəyallarının inkişafına diqqət göstərilməli, təhsilalanlar müəllimin psixoloji və pedaqoji dəstəyi ilə bildiklərini müstəqil şəkildə tətbiq etməyi öyrənməlidirlər.
