“Böyük qayıdışın başlanğıcı – Biz qayıtdıq”
Dekabrın 9-u 53 nömrəli tam orta məktəbdə Cəbrayıl rayonu Novruz Aslanov adına Cocuq Mərcanlı kənd tam orta məktəbinin kollektivi ilə birgə hazırlanmış Ulu Öndər Heydər Əliyevin anadan olmasının 100 illiyinə həsr olunmuş “Böyük qayıdışın başlanğıcı – Biz qayıtdıq” adlı tədbir keçirilib.
Tədbir Dövlət Bayrağının təntənəli şəkildə səhnəyə gətirilməsi ilə başlayıb. Sonra isə Azərbaycan Respublikasının Dövlət Himni səsləndirilib və Azərbaycanın ərazi bütövlüyü uğrunda şəhid olan həmvətənlərimizin və Ulu Öndər Heydər Əliyevin əziz xatirəsi bir dəqiqəlik sükutla yad edilib.
Tədbiri açıq elan edən məktəb direktoru Cocuq Mərcanlı kənd tam orta məktəbindən gələn qonaqları: məktəb direktoru Zamin Həziyev, tərbiyə işləri üzrə direktor müavini Orxan Əlibəyov və qonaq şagirdləri (Mətləb Həzizadə, Qadir Hüseynli, Nuray Aslanova, İnci Hacıyeva) tədbir iştirakçılarına təqdim edib. Rəhbərlik tərəfindən xatirə olaraq qonaqlara simvolik hədiyyələr verilib.
Şagirdlərin təqdimatında hazırlanan ədəbi-bədii kompozisiyada Ulu Öndər Heydər Əliyevin torpaqlarımızın azad olunması istiqamətində yürütdüyü siyasətdən və Cənab Prezident, Ali Baş Komandan İlham Əliyevin mütəşşəkil hərbi fəaliyyətindən ətraflı danışılıb. Şeirlər səsləndirilib, videogörüntülər təqdim olunub, səhnəciklər nümayiş etdirilib.
Sonda tədbir iştirakçıları qonaqlarla xatirə şəkli çəkdirib.
