Festival
Müstəqil dövlət qurmaq və müstəqilliyini təcəssüm etdirən bayrağını göylərdə dalğalandırmaq səadəti hər xalqa nəsib olmur. 44 günlük Vətən müharibəsində parlaq qələbə qazanaraq uzun illərdir qəlbimizdə yaşatdığımız “Bayrağımız Qarabağda dalğalansın” arzumuzu gerçəkləşdirdik. Bu gün Azərbaycan xalqı böyük iftixar, sonsuz qürur hissi ilə həm Zəfər Gününü, həm də Dövlət Bayrağı Gününü qeyd edir.
8 noyabr “Zəfər günü” və 9 noyabr “Dövlət Bayrağı Günü”-nü qeyd etmək məqsədilə 53 nömrəli məktəbdə “Zəfərlə dalğanan Bayrağım” adlı festival keçirilib.
Festivalda şagirdlər mövzuya uyğun rəsmlər çəkib, müxtəlif əl işləri hazırlayıb, şeirlər səsləndirib, mahnılar ifa edib, rəqslər nümayiş etdiriblər.
Festival şagirdlərin yallı rəqsi ilə başa çatıb.
Bayrağımız daim yüksəklərdə dalğalansın və Qələbə əbədi bizimlə olsun!
8 noyabr Zəfər Gününüz və 9 noyabr Dövlət Bayrağı Gününüz mübarək!
