Zəngilan şəhəri günü
Şanlı Zəfərə aparan hər bir gün Azərbaycan tarixinə qızıl hərflərlə yazılıb. Vətən müharibəsinin 24-cü günü - 2020-ci il oktyabrın 20-si hərb tariximizə Zəngilan şəhərinin və ətraf kəndlərin erməni işğalından azad edildiyi gün kimi həkk olunub. Bu gün Zəngilan şəhərinin işğaldan azad olduğu gündür.
Məktəbin 5a sinfinin sinif rəhbəri Zümrüd Ağayeva öz şagirdləri ilə “Zəngilan şəhəri günü”-nə həsr olunmuş tədbir keçirib. Tədbirdə şagirdlər hazırladığı Zəngilanın tarixindən bəhs edən videoçarxı nümayiş etdirib, musiqilər ifa edib, şeirlər səsləndiriblər. Zəngilan uğrunda döyüşdə həlak olan şəhidlər haqqında hazırlanan təqdimatlar dinlənilib.
Sonda məktəbin tarix müəllimi Şair Quliyev Zəngilan şəhəri haqqında şagirdlərin bilmədikləri faktlardan geniş məlumat verib.
