Milli Musiqi Günü
Sentyabrın 18-də məktəbin musiqi müəllimi Zəhra Nuriyevanın təşkilatçılığı ilə “Milli Musiqi Günü”-nə həsr olunmuş tədbir keçirilib.
Tədbir dahi bəstəkarımız Üzeyir Hacıbəyovun Əhməd Cavadın sözlərinə bəstələdiyi Azərbaycan Respublikasının Dövlət himni ilə başlayıb.
Zəhra müəllimə çıxış edərək “Milli Musiqi Günü” haqqında məlumat verib. Bildirib ki, “Milli Musiqi Günü” dahi Üzeyir Hacıbəyovun doğum günü ilə bağlıdır. Xalqımız bu günü Milli Musiqi günü kimi qeyd edir. Çünki milli musiqimiz, mədəniyyətimiz öz inkişaf zirvəsinə görə Üzeyir Hacıbəyova borcludur.
Sonra 4ç və 6a sinif şagirdlərinin ifasında bəstəsi Üzeyir Hacıbəyova məxsus müxtəlif musiqilər səsləndirib, səhnəciklər nümayiş etdirilib.
Qonaqlar tədbirdən xoş təəssüratlarala ayrılıb.
